იქს-ადამიანების მოყვარულებისთვის სამწუხარო ინფორმაცია გვაქვს. სტუდია 20th Century Fox-მა მომავალი ორი ფილმის პრემიები 2019 წლისთვის გადასწია.
“ბნელი ფენიქსი” რომელშიც მთავარ როლს სოფი ტერნერი ასრულებს 2 ნოემბრის ნაცვლად, 14 თებერვალს გამოვა. სულ ახლახანს მოხდა ფილმის სატესტო ჩვენება, სადაც ცხადი გახდა ზოგიერთი ნაკლის შესახებ. ფილმში მონაწილეობას იღებენ ასევე ჯეიმს მაკევოი, ჯენიფერ ლოურენსი, მაიკლ ფასბენდერი და ჯესიკა ჩესტეინი. ასე რომ, როგორც ჩანს, საჭირო გახდება რაღაც ეპიზოდების ახლიდან გადაღება და გუნდს შეკრება აგვისტოში ან სექტემბერში კიდევ ერთხელ მოუწევს.
“ახალი მუტანტებისთვის” სიტუაცია ცოტა უფრო რთულადაა. 13 აპრილის ნაცვლად ფილმი 2019 წლის 2 აგვისტოს გამოვა. როგორც ამბობენ, ფილმის 50% თავიდან იქნება გადაღებული. იმაზეც კი არის ლაპარაკი, რომ ფილმს სრულიად ორი ახალი გმირი დაემატოს. ეს კი სერიოზულ ცვლილებებს გამოიწვევს. ამ ფილმში მთავარ როლში მეისი უილიამსია.
