სამეფო კარის თამაშების ვარსკვლავი, დრაკონების დედა ემილია კლარკი დიდი ხანია აპირებს, სერიალის სამახსოვროდ, მაჯაზე ტატუ გაიკეთოს. ამის შესახებ მან ერთ-ერთ გადაცემაშიც ისაუბრა.
“დაახლოებით მაჯას ტერიტორიაზე მინდა, დიდი დრაკონი, რომელიც თითქოს მიფრინავს.” აღნიშნა მსახიობმა და თან ხუმრობით, დედამისსაც ასეთი თამამი ნაბიჯის გადადგმისთვის, წინასწარ ბოდიში მოუხადა.
თუმცა ერთის ნაცვლად, მსახიობმა მაჯაზე სამი დრაკონი დაიხატა და როგორც ჩანს, ძალიანაც ბედნიერია.
დრაკონების დედა ახლა მშვიდადაა და იცის, რომ მისი პატარები უკვე მუდმივად თან ეყოლება.
შეგახსენებთ, რომ სერიალის ფინალური სეზონი ეკრანებზე 2019 წელს გამოვა.
