ემილია კლარკმა მოყვა, თუ როგორ ემზადებოდა ის სამეფო კარის თამაშების ბოლო ეპიზოდისთვის.
ბოლო სერიაში, დეინერისი თავისი გამარჯვებული ჯარის წინაშე წარდგება და ინსპირაციული სიტყვით გამოვა, მოუწოდებს რა ყველას, ხმლები მზადყოფნაში ჰქონდეთ, რადგან დაპყრობები და გამარჯვებები ამ ბრძოლით არ დამთავრებულა.
ემილია კლარკი ამ სცენისთვის დიდი ხანი ემზადებოდა. აი რას ამბობს მსახიობი:
“სერიალისთვის დოთრაკიული და ვალირიული ენები მქონდა სასწავლი და ბევრჯერ უნდა მომემზადებინა გამოსვლა და სიტყვა, მაგრამ ამჯერად ძალიან დიდ წნეხში გავატარე საკუთარი თავი. სხვა მსახიობებიც გეტყვიან, რომ გადასაღებ მოედანზე გატარებული გრძელი დღის შემდეგ სახლში მივდივართ და ჩვენს ტექსტს ვსწავლობთ. ხშირად მარტივად ვითვისებდი ენებს, თუმცა ეს სიტყვა ჩემთვის ძალიან მნიშვნელოვანი იყო. ღამეებს ვათენებდი და ჩემს მაცივართან, ჩემს სარეცხ მანქანასთან და სხვა ტექნიკასთან ვრეპეტიციობდი. ფანჯრებს ვკეტავდი, რომ მეზობლებს გიჟი არ ვგონებოდი. გამოსვლას, რა თქმა უნდა სხვადასხვა ენაზე ვამზადებდი. ამისთვის მზად რომ ვყოფილიყავი ჰიტლერის და სხვა დიქტატორების გამოსვლებს ვუსმენდი, რომ მენახა გავიგებდი თუ არა რას ამბობენ, მათი ენის ცოდნის გარეშე. და თქვენ წარმოიდგინეთ ყველაფერი მესმოდა! ზუსტად მესმოდა რას ამბობდა ჰიტლერი, თავის გამოსვლაში!!! და საკუთარ თავსაც ვუთხარი, რომ თუ მე დავიჯერებ იმას რასაც ვამბობ, მაყურებელიც მიხვდება ყველაფერს ტიტრების გარეშე !!!!”
