ბრიტანელმა რეჟისორმა, 28 დღის შემდეგის და 127 საათის შემქმნელმა დენი ბოილმა ჯეიმს ბონდის შესახებ რიგით 25-ე ფილმის გადაღებაზე უარი განაცხადა. ოფიციალური მიზეზი უცნობია, თუმცა ბოლო პერიოდში გამოვლენილი დეტალი შესაძლოა ბოილის სტუდიასთან უთანხმოების მიზეზი ყოფილიყო.
როგორც გაირკვა ბოილის სურათში ლეგენდარული მზვერავი უნდა დაღუპულიყო, ეს იდეა აღმასრულებელი პროდიუსერ ბარბარა ბროკოლის და მთავარი როლის შემსრულებელ დენიელ კრეიგს არ მოეწონათ.
ბოილმა გადასაღები მოედანი გასული წლის აგვისტოში დატოვა, მისი ადგილი კი კერი ფუკუნაგამ დაიკავა. უკანასკნელი ინფორმაციით ბონდიანას მორიგ ნაწილში მთავარი ბოროტმოქმედის როლს რამი მალეკი შეასრულებს.
