“ახალი პაპი” ასე ერქმევა სერიალის “ახალგაზრდა პაპის” მეორე სეზონს, რომელიც 2019 წლის ნოემბერში გამოვა. ამის შესახებ სერიალის რეჟისორმა, პაოლო სორენტინომ, ერთ-ერთ პრესკონფერენციაზე ისაუბრა.
“სერიალზე მუშაობას ამ წლის ნოემბრიდან ვიწყებთ, სერიალი ეკრანებზე კი, 2019 წლის ნოემბრიდან გამოჩნდება” – აღნიშნა რეჟისორმა.
შეგახსენებთ იმასაც, რომ სერიალის სამსახიობო ანსამბლს მსახიობი ჯონ მალკოვიჩი შეუერთდება. ჯერ-ჯერობით სერიალის ახალი სეზონის სცენარი უცნობია, ისევე, როგორც ის, თუ კონკრეტულად რა როლს შეასრულებს მალკოვიჩი.
გადაღებები იტალიაში იქნება.
