დიდ ეკრანზე ტომ ჰარდის გამოჩენა მუდმივად კარგ, გემოვნებიან და ხარისხიან პროექტად შეიძლება რომ იქნას აღქმული. მისი ფილმოგრაფია მოიცავს, როგორც განგსტერული ჟანრის (ტყუპი ძმები კრეიები „ლეგენდიდან“) სურათებს, ისე კომიქსების ცნობილ ბოროტმოქმედებსაც (ბეინი „ბნელი რაინდის აღზევებიდან“). სამსახიობო ხელოვნებისადმი თავის მიძღვნის ფასად, მუდმივად საინტერესო, დასამახსოვრებელ, ქარიზმატულ და აქტიურ პერსონაჟებს გვთავაზობს.
რთულია გამოყო რომელიმე კონკრეტული პერსონაჟი, რადგან ჰარდის მიერ განსახიერებული როგორც პროტაგონისტები, ისე მეორეხარისხოვანი გმირები და ბოროტმოქმედები ყურადღების ცენტრში აუცილებლად ხვდებიან. ჯეიმს კეზია დელანელი ტაბუდან, ედი ბროკი ვენომიმდან, ტყუპი ძმები – რუნი და რეგი კრეიები ლეგენდიდან, ცივსისხლიანი ჯონ ფიჯერალდი „გადარჩენილიდან“ და საუკეთესო ბოლოსკენ – ბრიტანეთის N1 პატიმარი ჩარლზ ბრონსონი ამავე დასახელების ფილმიდან.
ახლა კი მთავარზე, იმ ფილმზე, რომელშიც ტომ ჰარდი ლეგენდარული განგსტერის, მაფიის ბოსის და კოზა ნოსტრას რიტუალებისა და დაუწერელი კანონების შემოქმედის, ალ კაპონეს როლს განასახიერებს. პროგნოზი იმის შესახებ,რომ ფილმი ერთ-ერთი საუკეთესო იქნება მსახიობის ფილმოგრაფიაში ყველანაირ მოლოდინს აჭარბებდა.
ჯერ მარტო ფრენკ სინატრას დანახვა და ხმის გაგონება რად ღირს თრეილერის პირველ კადრში, ხოლო შემდგომ ფერწასული და შეშლი ტომ ჰარდის სახე, ნებისმიერ საშინელებთა ჟანრის ფილმის „ბოროტმოქმედს“ აქეთ შეაშინებს. ფილმში მოვლენები კაპონეს ცხოვრების უკანასკნელ ერთ წელიწადზე მოგვითხრობს. ციხეში გაატარებული 10 წლისა და ნეიროსიფილისის საფუძველზე, მისი ჯანმრთელობის მდგომარეობა, როგორც ფიზიკური, ისე მორალური საგრძნობლად გაუარესდა . მას შემდეგ რაც ზედამხედველი ორგანოები ალს უკვე საზოგადაოებისაათვის უსაფთხო ადამიანად მიიჩნევენ მას ფლორიდის შტატში ყველასაგან მოშორებით დასახლების უფლებას აძლევენ, თუმცა მაინც, ფარულად, თუ ნათლად მაინც უყურადებენ და უსმენენ. ფილმი ძირითადად კაპონეს შიდა დემონების შესახებ მოგვითხრობს და იმ მდგომარეობაზე რომელშიც იგი სიკვდილამდე ერთი წლით ადრე იმყოფებოდა.
ფილმისაგან დიდი მოლოდინი ჰქონდა ყველას, თუმცა IMDB-ს მიხედვით მას მხოლოდ 6.6 ★ მიანიჭეს. მოუხედავად შედარებით დაბალი შეფასებისა, სურათი საკმაოდ სასინტერესო საყურებელია, რასაც ტომ ჰარდის განუმეორებელი თამაში კიდევ უფრო დამაინტრიგებელს ხდის.
როგორც უკვე ზემოთ აღვნიშნეთ, ტომ ჰარდი გენიალურად ახერხებს განგსტერებისა და ზოგადად არაკანონმორჩილი პერსონაჟების განსახიერებას. მისი ბრიტანული აქცენტი და სპეციფიკური ხმა, მიმიკური და თვალით გადმოცემული ემოცია დასამახსოვრებელია. ფილმის რეჟისორი ჯოშ ტრენკია, რომელმაც სურათი საკუთარი სცენარით გადაიღო. ტომ ჰარდისთან ერთად ასევე სამსახიობო გუნდს შეუერთდნენ: მეტ დილონი, კაილ მაკლაჰენი და ლინდა კარდელინი. ფილმი ოქტომბრის თვეში უნდა გამოსულიყო, თუმცა სამყაროში მიმდინარე მძიმე სიტუაციის გათვალისწინებით, მისი ნახვა სულ ახლახანს გახდა შესაძლებელი.
