როგორც იცით, კინობასი, ანუ ავტობუსი, რომელსაც კინო რეგიონებში ჩააქვს, უკვე დაიძრა და რამდენიმე ქალაქი ბევრი კინოჩვენებით უკვე მოაიარა. ცხელ დღეებში, საღამოს, ღია ცის ქვეშ, მეგობრების და საყვარელი ადამიანების გარემოცვაში კინოსეანსი რომ იდეალური გამოსავალია – ყველგან დავამტკიცეთ.
თუმცა ჩვენი მისია მხოლოდ ეს არ არის. Cinemania პროექტის ფარგლებში გამოკითხვას აწარმოებს და ასე ვიკვლევთ, რა ფილმები, ჟანრი და სერიალი მოსწონთ მცხოვრებლებს. რამდენად უყვართ ან უყურებენ ქართულ ფილმებს, სერიალებს?
კახეთში ახალგაზრდობა გამოვკითხეთ, შედეგები კი ასეთია:
საყვარელი ქართული ფილმი – სიაში უპირობოდ ლიდერობს „უდიპლომო სასიძო“, ბევრისთვის ფავორიტი „გაღმა ნაპირი“ და „გრძელი ნათელი დღეები“ აღმოჩნდა, თუმცა შეგვხვდა რამდენიმე, რომლებმაც გვითრეს, რომ უბრალოდ არ უყურებენ ქართულ ფილმებს
საყვარელი სერიალი – გამოკითხულთა უმრავლესობამ „ჩემი ცოლის დაქალებს“ მისცა ხმა, შესაბამისად საყვარელ ქართველ მსახიობად უმრავლესობამ ნინო გაჩეჩილაძე დაასახელა. ფავორიტ სერიალებში ასევე ლიდერობს „სამეფო კარის თამაშები“ და „მეგობრები“ და ასევე ქართული საკულტო სერიალი „შუა ქალაქში“ – ამას ისიც ადასტურებს, რომ უმრავლესობამ საყვარელ ქართველ მსახიობად გოგა ბარბაქაძეც დაასახელა.
რაც შეეხება საყვარელ ჟანრს, გაგვიკვირდა, თუმცა გამოკითხული ახალგაზრდობის უმრავლესობა საშინელებათა ფილმებს ამჯობინებს. კახეთში უყვართ კომედიაც და სიაში ყველაზე ბოლო ადგილს სასიყვარულო ფილმები იკავებს:
კახეთში ფინკა ბანკთან ერთად გამოკითხვა ჩავატარეთ, რომ გაგვეგო, თუ რა ფილმები, სერიალები და მსახიობები უყვარს კახელ მაყურებელს და შედეგად ასეთ სტატისტიკას გთავაზობთ ?#რაუყვარსკახეთს#კინოღამეები#კინოყველასთვის#კინობასი#კინობასიკახეთშიFINCA Bank Georgia / ფინკა ბანკი საქართველო
Posted by Kinobus • კინობასი on ოთხშაბათი, 19 ივნისი, 2019
