ალბათ იცით, რომ ბლეიკ ლაივლი ფენომენალური მსახიობი, მეუღლე და ტვიტერის მომხმარებელია.
გასული კვირის განმავლობაში ის, თავისი ახალი ფილმის A Simple Favour-ის სარეკლამო კამპანიის ფარგლებში, შეერთებული შტატების მასშტაბით მოგზაურობდა.
სწორედ ამ დროს წითელ ხალიჩაზე წარმოდგენილმა ბლეიკის ერთ-ერთმა ლუქმა დაბნეულობა გამოიწვია.
ერთ-ერთ შოუში სტუმრობისას ლაივლიმ თქვა, რომ კამერების განათებამ აიძულა შეენიშნა ის, რაც სასტუმროდან გამოსვლისას არ დაუნახავს. აღმოჩნდა, რომ მსახიობმა არ იცოდა, თუ რამდენად გამჭვირვალე იყო მისი მაისური.
“ვერ გავაანალიზე, რომ ეს მაისური სრულიად გამჭვირვალე იყო. ეს არ იყო ლუქი, რომლითაც გამოჩენას ვგეგმავდი და ყველაფერი კამერების შუქზე გამოჩნდა. ვნერვიულობდი, რომ გამეშალა ხელები და ვინმეს ჩავხუტებოდი და როდესაც რაღაც გაწუხებს, გგონია, რომ ყველა სწორედ შენზე ლაპარაკობს და პარანოია გემართება” – ამბობს მსახიობი.
როდესაც ბლეიკი წითელ ხალიჩაზე ფოტოგრაფებთან პოზირებისათვის მოემზადა, უცებ ერთ-ერთმა მათგანმა დაუყვირა:”ბლეიკ, შენი მკერდი (teets) არაჩვეულებრივია!”
“მე ვუპასუხე, ამას მართლა ვამბობთ? თქვენ რა, გასული წლის განმავლობაში გუგლში არ შესულხართ? ეს კარგი არ არის. ამ დროს კი ფოტოგრაფის გვერდით მდგომმა ქალბატონმა დაიძახა: ყოველ შემთხვევაში, ისინი teets ნამდვილად კარგია.”
ამ დროს ფოტოგრაფმა დაამატა, რომ რაიან რეინოლდსის tweet-ები უკეთესიც კია და ყველაფერი გაირკვა.
აღმოჩნდა, რომ ეს უბრალოდ გაუგებრობა იყო და ბლეიკს შეცდომით თავისი პოსტების (tweets) ნაცვლად მისი მკერდი (teets) მოესმა.
“ამის შემდეგ ნამდვილად მომეშვა, ვის აინტერესებს, რა ტრიალებს ქალის თავში?” – თქვა ლაივლიმ.
ამ სახალისო ინტერვიუს მოსმენა აქ შეგიძლიათ:
