90-იანი წლების საკულტო კომედიის რიგით მესამე ნაწილის გადაღებები მიმდინარე წლის 5 მარტს დაიწყება. ლეგენდარულ პერსონაჟებს კვლავ კიანუ რივზი და ალექს უინტერი განასახიერებენ.
ორიგინალი ფილმი ბილისა და ტედის იდეალური თავგადასავალი 1989 წელს გამოვიდა. სიუჟეტის ცენტრში ორი თინეიჯერია, რომლებიც დროში მოგზაურობენ. მოგზაურობის მთავარი მიზანი კი ისტორიის გამოცდისთვის ფაქტების მოგროვებაა. ბრიყვი მეგობრები ხვდებიან ისეთ ისტორიულ პიროვნებებს, როგორებიც ნაპოლეონ ბონაპარტი, ბილი ქიდი, სოკრატე, ზიგმუნდ ფროიდი და ჩინგიზ ყაენი არიან.
წარმატებულ კომედიას სიქველი, კომიქსების სერია, სატელევიზიო მულტსერიალი და კომპიუტერული თამაშები მოჰყვა. 30 წლით გაზრდილი ბილი და ტედი კი ასე გამოიყურებიან:
