ბენედიქტ კამბერბეტჩი და მისი მეუღლე სოფი ჰანტერი მესამე შვილს ელოდებიან. ამის შესახებ საზოგადოებამ ემის დაჯილდოების წითელ ხალიჩაზე შეიტყო, სადაც ჰანტერი ქმართან ერთად ყვითელ კაბაში გამოწყობილი მივიდა.
ბენედიქტსა და სოფის ამჟამად 3 წლისა და 18 თვის შვილები ყავთ.
დაჯილდოებაზე მსახიობი მინი-სერიალ “პატრიკ მელროუზში” შესრულებული როლისათვის იყო ნომინირებული. ამის შესახებ მან ივლისში ისაუბრა და ეს კამბერბეტჩის მეექვსე ნომინაციაა.
“ეს არაჩვეულებრივია. მანქანით ვმგზავრობდი, როდესაც ჩემი ტელეფონი კინაღამ აფეთქდა. გამიკვირდა, რა ხდება-მეთქი. ვნახე, რომ ნომინირებას მილოცავდნენ და ეს ძალიან სასიამოვნო იყო.” – თქვა ბენედიქტმა.
შეგახსენებთ, რომ კამბერბეტჩი და ჰანტერი ერთმანეთს 2009 წელს ერთ-ერთ გადასაღებ მოედანზე შეხვდნენ. პირველი შვილი კი 2015 წელს შეეძინათ.
