ჰოლივუდის განუყრელი მეგობრები ბენ აფლეკი და მეთ დეიმონი ახალ პროექტზე მუშაობას იწყებენ. The Shadows ჟურნალისტ მეთიუ პერლის სტატიას დაეფუძნება და ამერიკის შეერთებული შტატების პირველ საიდუმლო დეტექტივებზე გვიამბობს.
ყველაფერი 1840-იან წლებში დაიწყო- ჯერ კიდევ ახალი ქალაქის, ბოსტონის 200-მდე პოლიციელს 140 000 მოქალაქის უსაფრთხოებაზე ზრუნვა დაეკისრა. მას შემდეგ კი, რაც საყვარლის მკვლელობაში ბრალდებული მამაკაცი გაასამართლეს, ქალაქის საბჭომ სპეციალური სამსახური შექმნა, რომელსაც რთული და კომპლექსური საქმეები უნდა გამოეძიებინა.
ჯერჯერობით უცნობია, ვიხილავთ თუ არა ბენსა და მეთს ქასთში, თუმცა ისინი ფილმის პროდიუსერობას ნამდვილად აპირებენ.
