ანჯელინა ჯოლი, მაიკლ კორიტას რომანის “Those Who Wish Me Dead” , ეკრანიზაციაში მთავარ როლს შეასრულებს. ტეილორ შერიდანმა, ამ ფილმისთვის სცენარი დაწერა და რეჟისორის სავარძელსაც სწორედ ის დაიკავებს.
წიგნი 14 წლის ჯეის უილსონის ამბავს გვიყვება, რომელიც ცივსისხლიან მკვლელობას შეესწრება. ერთადერთი მოწმის სიცოცხლის გადასარჩენად, პოლიცია მას ველური ბუნების პირობებში გაძლების ბანაკში გააგზავნის. მაგრამ, მკვლელებს, ძმებ ბლექუელებს ეს არ შეაჩერებს და ისინი ბიჭის კვალს გაუყვებიან, თანაც ისე რომ გზაზე ვინც გადაეღობებათ არავის ინდობენ. მათი შეჩერება მხოლოდ ბანაკის უფროსებს, ველურ ბუნებაში გადარჩენის სპეციალისტებს, შეუძლიათ.
შერიდანმა პირველწყარო შეცვალა და სიუჟეტს მონტანაში ხანძარი შემატა, რომლის ფონზეც ყველა მოვლენა განვითარდება.
გადაღებები მაისში დაიწყება, იმის შემდეგ რაც შარიდანი სერიალ “იელოუსტოუნის” მეორე სეზონის გადაღებას დაამთავრებს.
ჯოლიმ ცოტა ხნის წინ დაამთავრა “მალეფისენტის” მეორე ნაწილის გადაღებები. ფილმი 2020 წლის 28 მაისს გამოვა.
