10 წელი გავიდა მას შემდეგ, რაც კინოეკრანებზე ლეგენდარული ამერიკული სერიალის სიმფსონების მიხედვით შექმნილი სიმფსონების ფილმი გამოვიდა. გუშინ კი რეჟისორმა დევიდ სილვერმანმა განაცხადა, რომ მიმდინარეობს მოლაპარაკებები სექველის გადაღების თაობაზე. მან ისიც აღნიშნა, რომ ჯერჯერობით ეს პროცესები ძალიან ადრეულ სტადიაზეა.
სიმფსონების ფილმს თავის დროზე კრიტიკოსებისაგან ძალიან კარგი გამოხმაურება ჰქონდა, მისმა შემოსავალმა კი 527 მილიონ დოლარს მიაღწია.
სიმფსონები 1989 წლიდან დღემდე გადის ტელეეკრანებზე და ამერიკის საშუალო კლასის ოჯახის სატირულ თავგადასავლებზე მოგვითხრობს.
