როულინგის ჯადოსნობებზე გადაღებული პირველი ფილმის გამოსვლიდან 18 წელი გავიდა, თუმცა სასწაულები დღემდე გრძელდება. გადაჭარბებული არ იქნება, თუ ვიტყვით, რომ თითოეულ ჩვენგანს ამ გზით კიდევ ერთხელ სურს მოგზაურობა იმ სამყაროში, სადაც ოდესღაც ჰარის და მის ერთგულ მეგობრებს შეხვდა და მათგან ძალიან ბევრი რამ ისწავლა:
1. ჩვენ ყველანი ადამიანები ვართ
“დამბლდორი ამბობს, რომ ადამიანებს ურჩევნიათ აპატიონ სხვებს შეცდომები, ვიდრე აღიარონ, რომ ისინი მართლები იყვნენ.” – ჰერმიონ გრეინჯერი, ჰარი პოტერი და ნახევარპრინცი
ჰარი პოტერის სერიებში კონფლიქტა უმრავლესობა ეგოიზმისა და სიხარბის გამო ხდება. ერთადერთი გზა ამ პრობლემების დასაძლევად კი საკუთარი შეცდომების აღიარებაა. ეს შესანიშნავი ნაწარმოები ხშირად გვახსენებს, რომ პირველ რიგში, სანამ თითს სხვისკენ გავიშვერთ, ჩვენი დანაშაული უნდა გავიაზროთ.
2. დანაკარგის მიუხედავად ცხოვრება გრძელდება
“ყველაფერი, რასაც ვკარგავთ, პოულობს გზას ჩვენთან დასაბრუნებლად – თუმცა, არა ყოველთვის ისე, როგორც ამას ჩვენ ველით!” – ლუნა ლავგუდი, ჰარი პოტერი და ფენიქსის ორდერი
ჰარი პოტერში ჩვენ ასევე ხშირად ვხვდებით მოულოდნელ დანაკარგს, თუმცა ვსწავლობთ, რომ ტრაგედიის შემდეგაც კი ცხოვრება გრძელდება და ეს ყოველივე პერსონაჟებს ძალიან საინტერესო გზით განავითარებს.
3. სიყვარული შეუცვლელია
მკვდრები ნუ შეგეცოდება, ჰარი. გებრალებოდეს ცოცხლები და ისინი, ვინც ცხოვრება სიყვარულის გარეშე გაატარა!” – პროფესორი დამბლდორი, ჰარი პოტერი და სიკვდილის საჩუქრები
სიყვარული მაგიასთან გათანაბრებული გრძნობაა, რომელსაც განსაკუთრებული ძალები გააჩნია. ჰარი პოტერი კი თვალნათლივ გვიჩვენებს, რომ ყოველ სიტუაციაში სიყვარული შეუცვლელი და საუკეთესო გამოსავალია.
4. შიშის დამარცხება შესაძლებელია
“სახელის შიში კიდევ უფრო ზრდის შიშს ამ არსების მიმართ!” – ალბუს დამბლდორი, ჰარი პოტერი და საიდუმლო ოთახი
ჰარი პოტერში ჩვენ ვხვდებით ადამიანებს, რომლებიც ფიქრობენ, რომ რაღაცის დაიგნორება საუკეთესო გზაა პრობლემების ასაცილებლად. ხშირ შემთხვევაში კი ეს ყოველივე კიდევ უფრო მეტ პრობლემას ქმნის, ვიდრე საკუთარი შიშების პირისპირ დგომა.
5. სიკვდილი გარდაუვალია
“ჭკვიანი ადამიანისათვის სიკვდილი მორიგი დიადი თავგადასავალია!” – დამბლდორი, ჰარი პოტერი და ფილოსოფიური ქვა
კიდევ ერთი თემა, რომელსაც ჰარი პოტერში ხშირად ვხვდებით, სიკვდილია. სერიების მანძილზე მაყურებელი მთავარ გმირებთან ერთად აცნობიერებს, რომ სიკვდილის შიში ადამიანს სიცოცხლით ტკბობის უნარს ართმევს.
6. გამბედაობას მრავალი სახე აქვს
“მტერთან ბრძოლა დიდი სიმამაცეა, თუმცა არანაკლებ გამბედაობას მოითხოვს მეგობრების წინააღმდეგ წასვლაც!” – დამბლდორი, ჰარი პოტერი და ფილოსოფიური ქვა
როგორც წესი, სათავაგდასავლო ისტორიები, მოგვითხრობენ გმირებისა და მათი დაუძიებენელი მტრის ბრძოლაზე, თუმცა ჰარი პოტერში ჩვენ ხშირად ვხვდებით სხვა სახის დაპირისპირებებსაც. გავიხსენოთ, პატარა ნევილი, რომელმაც პირველი სერიის დასასრულს მეგობრების შეჩერება და ამ გზით მათი სიცოცხლის გადარჩენა სცადა.
7. ჩვენ შეგვიძლია არჩევანის გაკეთება
“სწორედ ჩვენი გადაწყვეტილებები განსაზღვრავს იმას, თუ ვინ ვართ და არა ჩვენი შესაძლებლობები!” – დამბლდორი, ჰარი პოტერი და საიდუმლო ოთახი
ჰარი სწორედ ის პერსონაჟია, რომელიც მუდმივად ყურადღების ცენტრში იმყოფება და ხშირად სპეკულაციის მსხვერპლიც ხდება. ამის მიუხედავად, ის სწავლობს, რომ სწორედ საკუთარი არჩევანი განსაზღვრავს მის მომავალს და არა ის უნარ-ჩვევები, რაც დაბადებიდან დაჰყვა.
8. პატივისცემა ადამიანზე მეტყველებს
“თუ გინდა ადამიანის ნამდვილი სახე დაინახო, დააკვირდი როგორ ექცევა ის თავისზე სუსტებს და არა თავის თანასწორებს” – სირიუს ბლექი, ჰარი პოტერი და ცეცხლოვანი თასი
ჰარი პოტერის სამყაროში ჩვენ ხშირად ვხვდებით ერთმანეთისაგან სხვადასხვა ნიშნით განსხვავებულ ადამიანებს. მიუხედავად იმისა, რომ ჰარი დაბადებიდან ცნობილი ჯადოქარია, ის არ განასხვავებს ადამიანებს მათი სოციალური თუ ნებისმიერი სხვა სტატუსით და შეუძლია ყველას მეგობარი გახდეს.
9. დასვით შეკითხვები
“თქვენი შეხედულებები სუფთა წყლის სისულელეა, დამბლდორ! დემენტორები აზკაბანში არიან და მხოლოდ იმას აკეთებენ, რასაც ჩვენ ვუბრძანებთ!” – კორნელიუს ფაჯი, ჰარი პოტერი და ფენიქსის ორდენი
იმის გამო, რომ მაგიის მინისტრს საკუთარი შეცდომების აღიარება არ სურდა, ძალიან ბევრი ადამიანი დაზარალდა. ჰარი პოტერში ჩვენ ხშირად ვხვდებით სიტუაციას, როდესაც ავტორიტეტული ინსტიტუციები ბოროტებას ემსახურებიან, რაც, სამწუხაროდ, ჩვენს რეალურ ცხოვრებაშიც ჩვეულებრივი ამბავია და ყოველვის საჭიროებს კითხვების დასმას.
10. უაზროდ გატარებული ცხოვრება სიკვდილზე უარესია
“შენი მთავარი სისუსტე ყოველთვის ის იყო, რომ ვერასდროს ხვდებოდი – ამ ქვეყნად სიკვდილზე გაცილებით უარესი რაღაცები არსებობს!” – ალბუს დამბლდორი, ჰარი პოტერი და ფენიქსის ორდენი
ძლევამოსილი და საზარელი ჯადოქარი ვოლდემორი დამბლდორმა სიკვდილის შიშით შეპყრობილ, საცოდავ ადამიანად დაგვანახა, რომელმაც მთელი ცხოვრება უსიყვარულოდ, შიშსა და ტანჯვაში გაატარა.
