ჰარი პოტერის სამყაროში სიყვარული ყველაზე დიდ და საოცარ ჯადოქრობად არის აღიარებული. ჯადოქრული სამყაროს გმირები, ჰარი პოტერისა და ნიუტ სკამანდერის ჩათვლით, ამ ძალას ბევრჯერ უხსნია უბედურებისაგან. ოჯახის, მეგობრებისა და პარტნიორის სიყვარული ხომ მართლაც განუზომელი ჯადოსნური ძალაა, რითაც ადამიანი შეიძლება შეიარაღდეს.
დღეს ჰარი პოტერის ვარსკვლავებსა და მათ ცხოვრებისეულ პარტნიორებს წარმოგიდგენთ. წყვილებს, რომელთა ურთიერთობაც კიდევ ერთხელ გვარწმუნებს, რომ სიყვარული ერთ-ერთი ის ჯადოსნური ძალაა, რომელიც მართლა არსებობს.
1. ედი რედმეინი (ნიუტ სკამანდერი) და ჰანა ბეგშეივი
ბევრი ფიქრობს, რომ ედი რედმეინი ნიუტ სკამანდერის როლისთვისაა დაბადებული. ჰარი პოტერის სამყაროს მეორე, გასული დროის საგაში სწორედ გამოჩენილი მაგიზოოლოგის გარშემო დატრიალებულ ამბებზე მოგვითხრობს. ფრენჩაიზის პირველი ფილმის გამოსვლის შემდეგ ოსკაროსანი მსახიობის პოპულარობამ პიკს მიაღწია და ცხადია, მან მაყურებლების გულებიც დაპყრო. მისი თავგადაკლული ფანების სამწუხაროდ, მსახიობმა თავისი ცხოვრების სიყვარული რამდენიმე წელია იპოვა. 2014 წლის 15 დეკემბერს მსახიობმა და მისმა შეყვარებულმა ჰანა ბეგშოუიმ რამდენიმეწლიანი ურთიერთობა ქორწინებით დააგვირგვინეს. მათ ამჟამად ორი შვილი ჰყავთ: აირის მერი რედმეინი (დაიბადა 2016 წელს) და ლუკ რიჩარდ ბეგშოუი (დაიბადა 2018 წელს). ერთგული მეუღლე გამოჩენილ მსახიობს თითქმის ყოველთვის უწევს კომპანიონობას წითელ ხალიჩაზე და დალტონიზმის მქონე მსახიობს სამოსის შერჩევაშიც ეხმარება.
2. უარვიკ დევისი (პროფესორი ფლიტვიკი და გრიპჰუკი) და სამანტა დევისი
უარვიკ დევისმა ჰარი პოტერის ფილმებში არა ერთი, არამედ ორი პერსონაჟი ითამაშა – შელოცვების პროფესორი ფლიტვიკი და გობლინი გრიპჰუკი. მსახიობი თავის პარტნიორ სამანტა დევისს ფილმ უილოუს (1988) გადასაღებ მოედანზე შეხვდა, სადაც სამანტა ექსტრა მსახიობად მონაწილეობდა. წყვილი 1991 წელს დაქორწინდა და ოთხი შვილი შეეძინა, მაგრამ, სამწუხაროდ, ორი ბავშვი მცირე ასაკში დაკარგეს.
3. დენიელ რედკლიფი (ჰარი პოტერი) და ერინ დარკი
დენიელ რედკლიფი ზუსტად ჰარი პოტერის ასაკში იქცა ვარსკვლავად და პოტერიადას განმავლობაში მასავით ჩვენ თვალწინ გაიზარდა. მისი “ჯინი უისლი” ასევე მსახიობი ერინ დარკია, რომელსაც რედკლიფი 2013 წელს, ფილმის მოკალი საყვარელი ადამიანები გადაღებისას შეხვდა და მას შემდეგ წყვილი ერთადაა. გარკვეული ხანია ჭორები დადის, რომ მსახიობები დაქორწინებასაც აპირებენ, თუმცა დარკის მამამ აღნიშნლი მითქმა-მოთქმა უარყო.
4. მეთიუ ლუისი (ნევილ ლონგბოტომი) და ანჯელა ჯონსი
მეთიუ ლუისისა და ანჯელა ჯონსის სიყვარული ჰარი პოტერს უკავშირდება. ისინი ერთმანეთს ჰარი პოტერის თემატურ პარკში შეხვდნენ 2016 წელს, სადაც ანჯელა ასისტენტად მუშაობდა. მალევე ლუისმა ჯონსს პარიზში მოგზაურობისას ცოლობა სთხოვა და ურთიერთობის დაწყებიდან 2 წლის თავზე ჯონსი და ლუისი იტალიაში დაქორწინდნენ. ამის შემდეგ წყვილი ლოს-ანჯელესში გადასახლდა და ერთად ცხოვრობს ორ მშვენიერ ძაღლთან ერთად.
5. რუპერტ გრინი (რონ უისლი) და ჯორჯია გრუმი
ბევრისთვის სიურპრიზი აღმოჩნდა 2018 წელს გახმაურებული ფაქტი, რომ რუპერტ გრინს 2011 წლიდან პარტნიორი ჰყავს. მსახიობის გელფრენდი ბრიტანელი მსახიობი ჯორჯია გრუმია და მათი ხანგრძლივი ურთიერთობის შესახებ ფანებმა ერთი ტვიტიდან შეიტყვეს. დღეს უკვე საქვეყნოდ ცნობილი ეს პოსტი გვამცნობს, რომ თავად ჯორჯიამაც ძლივს გააცნობიერა, რომ უკვე 7 წელია გრინის შეყვარებულია.
6. ზოე კრავიცი (ლეტა ლესტრეინჯი) და კარლ გლუსმანი
ზოე კრავიცი, რომელიც ჰარი პოტერის სამყაროს ჯადოსნური ცხოველების მეორე ნაწილში შესრულებული ლეტა ლესტრეინჯის როლით შეუერთდა, პირად ურთიერთობებზე არ საუბრობდა, სანამ Rolling Stone-თან ინტერვიუში არ განაცხადა, რომ 2018 წლის თებერვლიდან მსახიობ კარლ გლუსმანზეა დანიშნული. ქორწილი 2019 წელს პარიზში შედგა ვიწრო წრეში. მათი ურთიერთობა 2016 წელს დაიწყო, როცა წყვილი ერთმანეთს საერთო მეგობარმა გააცნო.
7. დევიდ ტენანტი (ბარტი კრაუჩ უმცროსი) და ჯორჯია მოფეტი
Last ever morning listening to @OC. End of an era. #absolutebreakfastshow #sadduckface #davidtennant #youmeandhimactor pic.twitter.com/6MrJNGyvNq
— Georgia Tennant (@georgiaEtennant) May 18, 2018
ვოლდემორის ერთგული სიკვდილის მხვრელის, ბარტი კრაუჩ უმცროსის როლის შემსრულებელი, ცნობილი ბრიტანელი მსახიობი დევიდ ტენანტი ასევე კოლეგაზე, მსახიობ ჯორჯია მოფეტზეა დაქორწინებული. ისინი ერთმანეთს საკულტო სერიალის, დოქტორი ვინ-ის გადაღებისას შეხვდნენ და 2011 წლის 30 დეკემბერს ურთიერთობა ქორწინებით დააგვირგვინეს. მათ ოთხი შვილი ჰყავთ: ტაი (ჯორჯიას ვაჟი, რომელსაც ტენანტი 2011 წლიდან უწევს მამობას), ოლივი (დაბ. 2011 წ.), უილფრედი (დაბ. 2013 წ.) და დორისი (დაბ. 2015 წ.).
8. აფშან აზადი (პადმა პეტილი) და ნაბილ კაზი
აფშან აზადმა, რომელიც პოტერიადაში პარვატი პეტილის ტყუპისცალი დის როლს ასრულებს, დაქორწინებულია. ნაბილ კაზის და აფშან აზადის ქორწილს 2018 წელს პოტერიადას მსახიობებიც ესწრებოდნენ, მათ შორის ბონი რაიტი (ჯინი უისლი) და კეიტი ლუნგი (ჩო ჩენგი).
9. გარი ოლდმანი (სირიუს ბლექი) და ჟიზელ შმიდტი
პოტერიადას ერთ-ერთი ყველაზე საყვარელი პერსონაჟის, სირიუს ბლექის როლის შესრულების შემდეგ ისედაც პოპულარული გარი ოლდმანის პოპულარობამ არნახულ მასშტაბებს მიაღწია. ოლდმანი ორი წელია არტ კურატორ ჟიზელ შმიდტზეა დაქორწინებული, თუმცა ეს მისი მეხუთე ქორწინებაა. ოლდმანმა მანამდე 4 ქორწინება დაარღვია, მათ შორის მსახიობებთან – უმა თურმანთან და ლესლი მენვილთან.
10. ჯეისონ აიზეკსი (ლუციუს მალფოი) და ემა ჰიუიტი
გარი ოლდმანისგან განსხვავებით, ლუციუს მალფოის როლის შემსრულებელმა ჯეისონ აიზეკსმა დიდი ხანია იპოვა ცხოვრების სიყვარული: BBC-ის დოკუმენტური ფილმების რეჟისორი ემა ჰიუიტი. წყვილი 1988 წლიდან მოყოლებული ერთად ცხოვრობს და ორი საერთო ქალიშვილი ჰყავთ: 16 წლის ლილი და 13 წლის რუბი. მსახიობი აღნიშნავს ხოლმე, რომ თავისი ეკრანული გმირის, ამოუცნობი და პირქუში ლუციუს მალფოის ანტიპოდია, თუმცა, სამართლიანობა მოითხოვს აღინიშნოს, რომ ლუციუსიც ერთგული მეუღლეა.
