ელენ სლოანი, სამეფო კარის თამაშების ფოტოგრაფია, რომელმაც ფოტოებზე სერიალის ყველა სეზონი აღბეჭდა.
BuzzfeedNews-თან ინტერვიუში, სლოანმა რამდენიმე თავისი საყვარელი ფოტო გამოარჩია. მოდით, ვნახოთ ეს ფოტოები და ავტორის კომენტარები.
“ეს მართლაც ისეთი რამაა, რაც ცხოვრების ბოლომდე გაგვყვება” თქვა ფოტოგრაფმა.
კეტლინ სტარკი – “Cripples, Bastards, and Broken Things”
“ის უბრალოდ კეიტლინ სტარკი იყო. ყველა გრძნობდა იმ დედის სითბოს, რომელსაც ის ასხივებდა. ის ისეთი არაამქვეყნიური და არაჩვეულებრივი იყო…. მიხარია, რომ მიშელი ჩრდილო ირლანდიელი მსახიობია.”
კეიტლინ სტარკი –“The Rains of Castamere”
ყველაზე შთამბეჭდავი მომენტი ჩემთვის მთლიან სერიალში სწორედ მისი კივილი იყო წითელი ქორწილის დროს. არ იყო ოთახში ადამიანი ვისაც ეს გულთან ახლოს არ მიუტანია. ის კი აგრძელებდა კივილს და ეს სრულიად შემზარავი იყო. მერე კი უბრალოდ გაქრა….
ნედ სტარკი “Cripples, Bastards, and Broken Things”
ეს არის პირველი დიდი მსახიობი, რომელთანაც მიმუშავია. ისე, შონმა გამაფუჭა, რადგან ის მამასავით მზრუნველი ადამიანია და მართლა უბრალოდ, მდუმარედ გაცდის რომ შენი საქმე გააკეთო. ძალიან ჩუმია.
დენერისი და ხალ დროგო “Valar Morghulis”
პატარა რაეგო სლოანის შვილმა შეასრულა. ძალიან სასაცილო იყო, იმიტომ რომ, ბავშვისთვის უჩვეულოდ ბევრი თმა ჰქონდა და რამდენიმე ხნის შემდეგ სლოანმა ინტერნეტში ფანის კომენტარი ნახა : “ბავშვს პარიკი რატომ დააფარეს?!”
ტირიონი და პოდრიკი “Blackwater”
დენი და პიტერი! მიყვარს მათი უცნაური ურთიერთობა. არსებობს სიჩუმის და მხოლოდ კონკრეტული პერსონაჟების მომენტები. ამის გარეშე ყველაფერი აზრს დაკარგავდა. ეს სცენა ერთგვარ რელიგიურ ნახატს გავდა, ულამაზესი განათების გამო.
ბერიკ დონდარიონი “Kissed by Fire”
ძალიან ცხელოდა! ყველას ოფლი სდიოდა, და ყველგან ცეცხლი ენთო. გამოქვაბულში ბრძოლა საოცრება იყო და ყველა ფოტო, რომელიც გადავიღე კარგი გამოვიდა. ეს ნამდვილი გამარჯვება იყო!
ჯემი ლანისტერი “Kissed by Fire”
სინათლის სხივი ზუსტად ბინტს ეცემა და მე ეს ძალიან მომწონს!
ჯოფრი ბარათეონი “Second Sons”
ჯეკი წამში ჯოფრიდ იქცეოდა. მისი სახე, მიმიკები, გამომეტყველება პატარა მონსტრად აქცევდა მას! ძალიან, ძალიან ბოროტ პერსონაჟად! და წარმოუდგენელია, ჟრუანტელმა არ დაგიაროს, როდესაც შენ ამ სცენას ლინზის მიღმა აკვირდები და ხედავ.
“Hardhome”
ამ ეპიზოდზე ამბობდნენ, რომ გადაღებების ერთი საშუალო დონის დღე იყო. საშუალო დონის დღეში, ხალხის დაწვა, ნავიდან გადაგდება, კლდიდან ხტუნაობა იგულისხმებოდა, ხვდებით ხო ალბათ, როგორი დღე იყო?
სერსეი ლანისტერი “Hardhome”
ეს ფოტო ჩემი ფავორიტია, იმიტომ, რომ მასში (სერსეიში) ბევრი, ძალიან ბევრი ნაწილია გაფუჭებული და გატეხილი. და რაღაც ეტაპზე, გეცოდება კიდეც…თუმცა მერე უცებ ხვდები და საკუთარ თავს ეუბნები, “არა! არა! მეზიზღება”
ჯონ სნოუ და არია სტარკი “Book of a Stranger”
ეს არაჩვეულებრივი წარმოდგენა იყო. სანსა შემოვიდა, ჯონს უყურებდა, ფიქრობდა – “ეს ის არის? ის არის? და მართლაც ის იყო! შენ ამას გრძნობდი, როგორც მაყურებელი. ზოგადად, როგორი იღბალია, რომ ყოველდღე ასეთი არაჩვეულებრივი წარმოდგენების მომსწრენი ვართ…
