ახლა, როდესაც მაყურებელი უკვე 7 წელია თვალს ადევნებს სამეფო კარის თამაშებს, რა თქმა უნდა, რთული წარმოსადგენია ნებისმიერი სხვა მსახიობი კარგად ნაცნობი პერსონაჟების ადგილას. თუმცა, რეალობა ის არის, რომ თავიდან ამ როლზე სულ სხვა სახეები განიხილებოდნენ.
მოდით, გავიცნოთ ის 7 მსახიობი, რომლებიც, შესაძლებელი იყო, GOT-ში გვეხილა და გავიგოთ მიზეზები, თუ რატომ არ შედგა მათი თანამშრომლობა ბოლო წლების ერთ-ერთ ყველაზე წარმატებულ სერიალთან:
1. ტამზინ მერჩანტი
ის არამხოლოდ იმყოფებოდა დაენერისის სინჯებზე, არამედ დაამტკიცეს კიდეც ამ როლზე და საპილოტე სერიაშიც ითამაშა, რომელიც აშკარად წარუმატებელი აღმოჩნდა. ამის შემდეგ, შემოქმედებითმა ჯგუფმა სამსახიობო შემადგენლობა და კონცეპტი შეცვალა, თუმცა, გავრცელებული ინფორმაციით, პროექტის დატოვების გადაწყვეტილება ტამზინმა თავად მიიღო. ამის მიზეზი კი ინტიმური სცენების სიმრავლე გახდა… ვფიქრობთ, ახლა ძალიანაც ნანობს საკუთარ საქციელს, თუმცა რას ვიზამთ? ემილია კლარკმა დრაკონების დედის როლი შესანიშნავად მოირგო!
2. ჯენიფერ ელი
კიდევ ერთი მსახიობი, რომელიც სერიალის საპილოტე ვერსიაში მოგვევლინა, კეტლინ სტარკის როლს ასრულებდა. როგორც უკვე აღვნიშნეთ, წარუმატებელი მცდელობის შემდეგ, შემოქმედებითმა ჯგუფმა შემადგენლობის დიდი ნაწილი შეცვალა და ჯენიფერი სწორედ მათ რიგებში მოხვდა. მისი ადგილი სერიალში კი მიშელ ფეირლიმ დაიკავა.
3. ჯილიან ანდერსონი
ყველასათვის კარგაც ნაცნობი აგენტი სკალი სერსეი ლანისტერისა და მელისანდრას როლზე განიხილებოდა, თუმცა, გავრცელებული ინფორმაციის თანახმად, მსახიობმა პროექტში მონაწილეობის შემოთავაზება არ მიიღო და ვინ იცის, დღეს ამ გადაწყვეტილებას ძალიანაც ნანობს…
4. სემ კლაფლინი
სემს ძალიან სურდა GOT-ის ნაწილი გამხდარიყო, ამიტომ ბედი ჯონ სნოუსა და ვისერის ტარგარიანის სინჯებზე სცადა, თუმცა არ გაუმართლა… საბოლოო ჯამში, მან მაინც მოახერხა ემილია კლარკთან ერთად თამაში, თუმცა სულ სხვა ფილმში სახელად – მე შენამდე.
5. სემ ჰიუგენი
საკუთარი მოსახელის მსგავსად, არანაკლებ მონდომებული იყო შოტლანდიელი მსახიობიც, რომელიც GOT-ის სინჯებზე არც მეტი, არც ნაკლები, 7-ჯერ იმყოფებოდა, თუმცა, სამწუხაროდ, გაუმართლა.
6. ლილი ალენი
მომღერალს ძალიან სურდა, რომ იარა გრეიჯოის როლი შეესრულებინა და გარკვეული ნაბიჯებიც კი გადადგა ამ მიზნის მისაღწევად, თუმცა უკანასკნელ მომენტში უარი განაცხადა. მოარული ხმების თანახმად, ამ გადაწყვეტილების მიზეზი გახდა ზედმეტად გულახდილი სცენა, სადაც თეონ გრეიჯოი დიდი ხნის უნახავ დას აწუხებს.
7. იზი მაიკლ-სმოლი
სწორედ იზისა და სოფი ტერნერს შორის მოუწიათ სერიალის შემქმნელებს საბოლოო არჩევანის გაკეთება სანსა სტარკის როლზე. მიუხედავად იმისა, რომ იზი მათი გადაწყვეტილებით ძალიან გულდაწყვეტილი დარჩა, ისიც კი აღიარებს, რომ სოფიმ იდეალური პერსონაჟი შექმნა!
