ჯორჯ ლუკასმა ვარსკვლავური ომების ფილმებით მთელი სამყარო შექმნა, რომლის შესწავლაც არასდროს მთავრდება. გთავაზობთ ფაქტებს, რომლებიც შეიძლება ბევრმა არც იცის.
1. თავდაპირველად R2-D2-ს სპეციალურად ლაპარაკისთვის განკუთვნილი მოწყობილობების დახმარებით უნდა ესაუბრა.
2. ფილმის პირველი ნახვის სიამოვნება სპეციალურად შერჩეულ რეჟისორთა ჯგუფს ერგო. მათ უმეტესობას, მათ შორის, ბრაიან დე პალმას ეგონა, რომ ვარსკვლავური ომები წარუმატებელი იქნებოდა. ერთადერთი, ვინც ფილმს წარმატებას უწინასწარმეტყველებდა, სტივენ სპილბერგი იყო.
3. ყველასთვის საყვარელი “იმპერიის მარში” (დართ ვეიდერის თემად ცნობილი) ახალ იმედში არ ისმის.
4. 20th Century Fox-ის აღმასრულებლებს სურდათ, ჩუბაკას შორტები სცმოდა.
მათ ლუკასს პრეტენზიებით მიმართეს იმით აღშფოთებულებმა, რომ შიშველი პერსონაჟი ჰყავდა. საბოლოოდ, მიუხედავად იმისა, რომ მათ დაასრულეს ჩუბაკას ესკიზები და ტანსაცმელი მიუხატეს, საბოლოოდ ახლანდელი გარეგნობის ჩუი დატოვეს.
ჯორჯ ლუკასის თქმით, ჩუბაკას ინსპირაცია მისი ალასკური მალამუტი – ინდიანა (სახელი მას ლუკასმა ჰან სოლოს როლის შემსრულებლის, ჰარისონ ფორდის კიდევ ერთი ცნობილი კინოგმირის – ინდიანა ჯონსის პატივსაცემად დაარქვა) იყო.
5. ჯავას ხალხი ზულუს ენის მსგავს ენაზე მეტყველებს.
ტატუინის ბინადრების ენა სპეციალურად შექმნეს აფრიკული ენებისაგან.
6. ორიგინალურ ტრილოგიაში დახოცილთა რაოდენობა 2 002 795 192-ია, მაგრამ ფილმი, რომელშიც ყველაზე მეტი სიკვდილია, არის ძალის გამოღვიძება. იქ ხომ მთელი პლანეტა ნადგურდება.
7. ჰან სოლოს როლზე უამრავი მსახიობი გასინჯეს, მათ შორის: კურტ რასელი, ნიკ ნოლტი, კრისტოფერ უოკენი, ჯეკ ნიკოლსონი, ალ პაჩინო, სტივ მარტინი, ბილ მიურეი, სილვესტერ სტალონე, ჯონ ტრავოლტა და პერი კინგი.
8. სიტყვა “ჯედაი” შესაძლოა იაპონური ენიდან არის ნასესხები.
“ჯიდაიგეკის” ხელოვნება ედოს პერიოდის იაპონიის კულტურის ნაწილს წარმოადგენდა. ლუკასმა, რომელიც სამურაების თემატიკის იაპონური ფილმების ფანი იყო, ეს კულტურა ვარსკვლავურ ომებში ასახა.
9. ტატუინი რეალური ადგილია დედამიწაზე.
ახალი იმედის რამდენიმე სცენა ტუნისში, ქალაქ ტატაუინშია გადაღებული. ლუკასს ძალიან მოეწონა ქალაქის სახელი და პლანეტას ტატუინი დაარქვა.
10. ვარსკვლავური ომები გახდა პირველი საი-ფაი ფილმი, რომელიც ოსკარზე საუკეთესო ფილმის ნომინაციაზე იყო წარდგენილი.
11. იმპერატორის თავდაპირველი დიზაინი შიმპანზესა და დიზაინერის ცოლის გარეგნობის კომბინაციაა.
12. ჰარისონ ფორდის ყოყმანის გამო ფილმის შემქმნელებს ჰან სოლოს ნახშირბადში გაყინვა მოუწიათ.
მარკ ჰემილსა და კერი ფიშერს მესამე ფილმში მონაწილეობის კონტრაქტი ჰქონდათ, ჰარისონ ფორდი კი არ იყო დარწმუნებული, განაგრძობდა თუ არა ფრენჩაიზში თამაშს, ამიტომ ლუკასმა გადაწყვიტა, პერსონაჟი გაეყინა და მისი მომავალი ჰარისონ ფორდის გადაწყვეტილებისთვის მიენდო.
13. მე-6 ეპიზოდს (ჯედაის დაბრუნება) თავდაპირველად “ჯედაის შურისძიება” ერქვა.
14. კირა ნაითლი 12 წლის იყო, როცა საბე, დედოფალ ამიდალას ფრეილინა (და დუბლიორი) ითამაშა.
15. ძალის გამოღვიძებაში ბილი ლურდის – კერი ფიშერის ქალიშვილის კინოდებიუტი შედგა. მის პერსონაჟს პრინცესა ლეას მსგავსად აცვია.
16. ოსკაროსანი მსახიობი ედი რედმეინი კაილო რენის როლზე განიხილებოდა.
17. ლიუკისა და დართ ვეიდერის კავშირის შესახებ იმპერიის სასიკვდილო დარტყმის გამოსვლამდე თითქმის არავინ იცოდა. გადაღებისას ეს საიდუმლო მხოლოდ ლუკასის, რეჟისორ ირვინ კერშნერის, სცენარისტმა ლოურენს კესდენის, მარკ ჰამილისა და ჯეიმს ერლისთვის იყო ცნობილი და არცერთს გაუმხელია იმ სცენამდე, სანამ დართ ვეიდერმა არ წარმოთქვა: “შენ სიმართლე არ იცი: ობი-ვანმა მოკლა მამაშენი”.
შემდეგ ეს ფრაზა საკულტო ფრაზად გადააკეთეს. ყველა ვამბობთ: “ლუკ, მე მამაშენი ვარ”. სინამდვილეში კი ასეა: “არა, მე მამაშენი ვარ”.
18. დართ მოულის როლი ბენისიო დელ ტოროს შესთავაზეს.
19. სითების შურისძიების თავდაპირველი დამონტაჟებული ვარიანტი 4 საათზე მეტხანს გრძელდებოდა.
20. ვარსკვლავური ომები კინოისტორიაში მესამე ყველაზე წარმატებული ფრენჩაიზია.
პირველ ადგილზეა მარველის კინოსამყაროს სერიები, მეორეზე კი – პოტერიადა.
