ვენეციის საერთაშორისო კინოფესტივალი უძველესი საერთაშორისო კინოფესტივალია მსოფლიოში და წელს ის 73-ედ ტარდება. კინოფესტივალის მონაწილე ფილმების სრული სია ცოტა ხნის წინ გამოქვეყნდა და აღმოჩნდა, რომ საკონკურსო სექციაში წარდგენილი 21 ფილმიდან მხოლოდ ერთი არის ქალი რეჟისორის მიერ გადაღებული. საუბარია ვივიენ ქიუს ფილმზე ანგელოზებს თეთრები აცვიათ.
ფესტივალის დირექტორი, ალბერტო ბარბერა აცხადებს, რომ მას ლაინ-აფში გენდერული უთანასწორობა არ ანაღვლებს.
არ მგონია, რომ ეს ჩვენი ბრალია. შერჩევის პროცესში კვოტების დაწესება შეუძლებელია. რა თქმა უნდა, ვწუხვარ, რომ წელს ასეთი სიტუაციაა, მაგრამ ჩვენ მხოლოდ ვაჩვენებთ ფილმებს, პროდიუსერები არ ვართ.
ბარბერამ ისიც აღნიშნა, რომ ფილმის ნახვის მომენტში საერთოდ არ იცის, ვინ არის მისი რეჟისორი, თუმცა როცა საუბარი ვენეციის კინოფესტივალზეა, ამის დაჯერება ცოტა რთულია. კინოსამყაროში გარკვეულმა პირებმა წინასწარ იციან ხოლმე, რომელი რეჟისორი რომელ პროექტზე მუშაობს.
კინოფესტივალი სტარტს შემდეგ კვირას აიღებს.
