ძალიან მნიშვნელოვანია ის, რასაც ახლა ვაკეთებ.
იღბლიანი ადამიანი ვარ. სრულიად ახალგაზრდას, საოცარი შესაძლებლობები მომეცა. ვცდილობ, დაგეგმილზე შორს არ წავიდე, მომავალი ხომ არაპროგნოზირებადია. თანაც, არ ვიცი, ხუთი წლის შემდეგ რისი კეთება მომინდება.
მოგეხსენებათ, 14 წლის გოგოს შურისძიება არც ისე სამართლიანია.
მე, უბრალოდ, სხვა გოგო ვიყავი.
მიყვარს გადაღება და ჩემს საქმეში მაქსიმუმს ვდებ.
ფეისბუქი – ეს ჩემი ცხოვრებაა.
როცა რვა წლის ვიყავი, ჩემი 11 წლის ბიძაშვილი უკვე კინოშიც თამაშობდა, რეკლამებშიც მონაწილეობდა და მოდელობდა კიდეც. მისით აღფრთოვანებული ვიყავი და ამ ყველაფრის კეთება მეც მინდოდა. დედაჩემთან მივედი და ჩემი სურვილი გავუმხილე. მან ხელი შემიწყო და სამსახიობოზე ერთ-წლიანი სწავლის საშუალება მომცა.
ბავშვი მსახიობები 24 საათს მუშაობენ. მე კი კინოს გარდა დროს გართობისა და შოპინგისთვისაც ვპოულობ.
13 წლის გოგოსთვის იარაღიდან სროლა და სიგარის გახვევა ფრიად სახალისო პროცესია. ამ ასაკში ასეთი რაღაცებით ყველა კი არ ერთობა!
მე იმ თაობის წარმომადგენელი ვარ, რომელიც ქალებს გვერდში უდგას და აძლიერებს… ამ ყველაფრის ნაწილად ყოფნა კი ფრიად სასიამოვნო რამეა.
მაყურებელი ჩემი სახით სხვა პერსონაჟს, სხვა ადამიანს უყურებს. ჩემი მუსიკით კი ჩემს ისტორიებსა და სიტყვებს ისმენს… ამ ორ სფეროს სწორედ ეს განასხვავებს.
მუსიკის კეთება ყოველთვის მინდოდა. სტუდიაში სიმღერის ჩაწერაზე ვოცნებობდი. მუსიკასა და მსახიობობას ერთდროულად მივყავი ხელი. მსახიობობამ ჩემი დროის უმეტესი ნაწილი წაიღო, ხოლო მუსიკამ ჩემს მსახიობად ჩამოყალიბებაში დიდი როლი ითამაშა.
შენი შრომის აღიარება დიდი პატივია. ოსკარის ნომინაციაზე წარდგენა მოდუნების საშუალებას არ გაძლევს, პირიქით, ამის შემდეგ გაათმაგებული ძალებით გიწევს მუშაობა.
მიყვარს, როცა ადამიანი არამარტო თავისი საქმით, არამედ თავისი პიროვნებითაც შთაგაგონებს.
ჩემს მშობლებთან განსაკუთრებული ურთიერთობა მაქვს, დედაჩემი ღვთის საჩუქარია. მათ გარეშე არ ვიცი, რა მეშველებოდა. თუმცა, ყველას ცხოვრებაში დგება ხოლმე მომენტი, როცა თავს ყველაზე მარტოსულად ვგრძნობთ.
მჭირდება ხოლმე, ვინმემ მითხრას: ნორმალურია იყო ის, ვინც ხარ.
რა თქმა უნდა, რთული გადაღებებიც მქონია. ყველა გადაღება თავისებურად რთულია, თუმცა, მსახიობობის მთელი ხიბლიც სწორედ ამ გამოწვევებშია.
ქალი რეჟისორებისა და პროდიუსერებისგან განსხვავებული ენერგია მოდის. ეს იმას არ ნიშნავს, რომ მათთან მირჩევნია მუშაობა, უბრალოდ, ეს ნამდვილად განსხვავებული გამოცდილებაა და გამიხარდება, მსგავსი თანამშრომლობა მომავალშიც თუ გაგრძელდება.
მიყვარს ჩემს მეგობრებთან ერთად კინოში სიარული.
რომეო და ჯულიეტას სცენარით მაშინვე მოვიხიბლე. მომეწონა თხრობის სტილი, მიამიტობა და ტრაგიზმი. ის სულის სიმტკიცისგან ძალიან განსხვავდებოდა და მე ეს ძალიან მომწონდა.
იდეალური სმენა 2-ში ყველაზე მეტად ის მომწონდა, რომ შეგეძლო, ყოფილიყავი ის, ვინც რეალურად ხარ და არ დაგემალა შენი უცნაურობა, სიგიჟე და არასრულყოფილება.
დედაჩემმა ცხოვრების სამი პრინციპი მასწავლა: ყოველთვის ვიყო ვნებით სავსე, შეუპოვარი და გამოწვევებისთვის მზადმყოფი.
წყარო: www.imdb.com
მოამზადა ლალი ახვლედიანმა
