დაკოტა (ელ ფენინგის და) ჩემი ფავორიტი მსახიობია.
მე მიყვარს სხვა ადამიანად გარდაქმნა. პირველად ყოველთვის პერსონაჟის სახელს ვკითხულობ. სახალისოა, როცა სხვადასხვა ფილმში სხვადასხვა სახელი გქვია.
კარგი იქნებოდა, 60-70-იანი წლების თინეიჯერი ვყოფილიყავი. ეს ხომ თავისუფლებისა და ხეტიალის ეპოქაა. დღეს ასე მარტივად ვეღარ იხეტიალებ.
ჩემთვის მსახიობობა გადაცმა და გარდასახვაა. შენ შენი პერსონაჟის კოსტიუმს ირგებ, მასავით იწყებ სიარულსა და სამყაროს აღქმას. ფილმის დასრულების შემდეგ კი – ისევ საკუთარი თავი ხდები.
ბავშვობაში დღიურს ვაწარმოებდი. თუმცა, პერფექციონიზმით შეპყრობილმა, თავი მალევე მივანებე.
4 წლისამ ფილმში კარი სარდაფში ვითამაშე. რა თქმა უნდა, ყველა დეტალი ზედმიწევნით არ მახსოვს, მაგრამ მახსოვს, როგორი მოხიბლული დავრჩი კოსტიუმებითა და ნაწნავებით. ერთხელ გრილზე შემწვარი ყველიც მივირთვი და ჭკუაზე არ ვიყავი.
თავისუფალ დროს ფილმებს ვუყურებ. უბრალოდ, ახლა ძალიან ბევრი საშინაო დავალება მაქვს გასაკეთებელი.
გამიხარდება, თუკი ერთხელ მაინც მომიწევს მუშაობა მარიონ კოტიართან და ჩემს დასთან. ჩემს დასთან ერთად არასოდეს მიმუშავია. თუმცა, ზუსტად ვიცი, ერთ დღეს ეს მომენტიც დადგება.
ხალხი სილამაზითა და სრულყოფილებითაა შეპყრობილი, ამან კი თავისუფლად შეიძლება გაგანადგუროს. რეალურად, სრულყოფილება არც არსებობს, შენ კი მაინც გიჟივით მიილტვი არარსებულისკენ.
დღეს ყველაფერში კონკურენციაა.
ჩემი ცხოვრება კინოს გარეშე ვერც კი წარმომიდგენია. რეალურად, მე სხვებისგან არაფრით განვსხვავდები. თუკი სხვა ჩოგბურთს თამაშობს, ან პიანინოს დაკვრაში ვარჯიშობს, მე იმავე შრომას კინოში ვდებ და ყოველდღიურად შედეგის გაუმჯობესებაზე ვფიქრობ.
როლში მთელს ჩემს ემოციას ვდებ.
13 წლის ასაკში ერთდროულად დიდიც გინდა იყო და თავისუფალიც.
სტივენ სპილბერგთან ორივემ – მეც და ჩემმა დამაც, 12 წლის ასაკში ვითანამშრომლეთ, მე – სუპერ 8-ით, ჩემმა დამ კი – სამყაროთა ომებით.
ქალ რეჟისორებთან მუშაობა სასიამოვნოა. მათთან უფრო მეტი სასაუბრო თემა გაქვს, მაგალითად, სხვა რაღაცებთან ერთად, ტანსაცმელზე ლაპარაკიც შეგიძლია.
უნდა მოახერხო შენი ცხოვრებისა და კინოსამყაროს დაბალანსება.
ასაკთან ერთად, შემოთავაზებული პერსონაჟების ასაკიც იმატებს. შენ 10 წლის გმირს ვეღარ განასახიერებ და ეს ფრიად ამაღელვებელი ფაქტია.
მსახიობობა ნიშნავს, პერსონაჟის გავლით იგრძნო ის, რაც აქამდე არასოდეს გიგრძვნია. ამის მისაღწევად კი მთელს შენს წარმოსახავას იყენებ.
ჩემი თაობა ნარცისიზმითაა შეპყრობილი. ჩემი მეგობრები მობილურში ჩაწერილი აპლიკაციებით საკუთარ სხეულებს ითხელებენ და ილამაზებენ. ამ სურათების შემხედვარეს, გაგეფიქრება: “ვახ, რა ლამაზია!” შემდეგ მას ხვდები და აღმოაჩენ, რომ ის რეალურ ცხოვრებაში სულაც არაა ასეთი ლამაზი და სრულყოფილი. ყველამ უნდა შეძლოს საკუთარი თავის მიღება და შეყვარება.
წყარო: www.imdb.com
მოამზადა ლალი ახვლედიანმა
