მე ჩვეულებრივი ქალი არ ვარ! ჩემი ოცნებები ხდება!
მე არ მაქვს სუსტი გული.
ვფიქრობ, დედოფალი, რომელიც არავის ენდობა, ისეთივე სულელია, როგორც დედოფალი, რომელიც ყველას ენდობა.
ლანისტერები, ტარგარიენები, ბარათეონები, სტარკები, ტაირელები – ყველანი ერთ ბორბალზე ტრიალებენ. სათავეებში ჯერ ერთი ექცევა, შემდეგ – მეორე და ა.შ. ბორბალი კი განაგრძობს ტრიალსა და ქვემოთ მოქცეულის გასრესვას.
გესლიანი გველები ყოველთვის ზედაპირზე ძვრებიან. აქ მათთვის თავის მოკვეთა მარტივდება.
იცით, რა მაშინებს? ვუთხარი “მშვიდობით” კაცს, რომელსაც ვუყვარვარ. იმ კაცს, რომლისადმიც გულგრილი არ ვარ, და ვერაფერი ვიგრძენი, მხოლოდ სურვილი – ეს ყველაფერი რაც შეიძლება მალე გადამავიწყდეს.
შევუდგები დედოფლისთვის დაკისრებულ ვალდებულებას: დავიწყებ მართვას!
დაე, ქურუმებმა იფიქრონ სიკეთესა და ბოროტებაზე. მე მათ არჩევანის გაკეთების საშუალებას ვაძლევ: მათ შეუძლიათ, იცხოვრონ ჩემს ახალ სამეფოში, ან მოკვდნენ თავიანთ ძველ სამეფოში.
ადამიანებს საკუთარი ბორკილები უყვარდებათ.
ჩვენ ბოროტი მამები გვყავდა. მათ სამყარო გააუარესეს. ჩვენ მათ არ მივბაძავთ. ჩვენ უკეთეს სამყაროს შევქმნით. თქვენ მე სამეფო ტახტის მოპოვებაში დამეხმარებით და ერთიან შვიდ სამეფოს პატივისცემით მოეპყრობით. ამერიდან აქ ქურდობას, დარბევასა და ძალადობას ადგილი აღარ ექნება.
თუკი მსურს ვესტეროსის მართვა, მაშინ საჭირო კავშირების გაბმაც მომიწევს, ამ კავშირების დამყარების საუკეთესო საშუალება კი ქორწინებაა.
დრაკონი მონა არ არის.
თუკი ვუბრძანებ, ისინი ცოცხლად შეგჭამენ. ისინი ჩემს უთქმელადაც შეგჭამენ. ჩემი შვილები. ზოგი მათ მიტოვებას მირჩევს. კარგი დედა კი შვილებს არასოდეს აქცევს ზურგს. საჭიროების შემთხვევაში, ის მათ აღზრდაზე იზრუნებს.
მე დენერის გრიგალთშობილი, წმინდა ვალირიული სისხლის შთამომავალი და დრაკონთა დედა, ვფიცავ: ცეცხლითა და მახვილით დავიბრუნებ ყველაფერს, რაც მე მეკუთვნის!
თითოეული ხალი სამ მოსისხლე მხედარს ირჩევდა. ისინი მის გვერდით იბრძოდნენ და მის გზას იცავდნენ. მე არ ვარ ხალი. მე არა სამ მოსისხლე მხედარს, არამედ თითოეულ თქვენთაგანს ვირჩევ. მე თქვენგან უფრო მეტს ვითხოვ, ვიდრე სხვა ნებისმიერ ხალს მოუთხოვია. მზად ხართ, ხის ცხენებით გადალახოთ შავი, მარილიანი ზღვა? გაანადგუროთ ჩემი მტერი და დაანგრიოთ მათ მიერ ქვით ნაგები სახლები? მაჩუქოთ შვიდი სამეფო, ის ძღვენი, რომლის ბოძებასაც ხალ დროგო შემპირდა? იქნებით ჩემ გვერდით ახლა და სამუდამოდ?
მე უსამართლობას სამართლიანობით ვპასუხობ.
მე ვიბრძოდი იმისთვის, რომ არავის, არც ერთი მონის შვილს არ ეგრძნო, რომ ის ნაყიდი ან გაყიდულია. მე გავაგრძელებ ამისთვის ბრძოლას, როგორც აქ, ისე – ყველგან.
ერთდროულად შინა და გარე მტერს ვერ მოვერევი, ამიტომ შინა მტრის გამოჩენისთანავე მიერინი ჩემ გვერდით უნდა დადგეს, სხვა არჩევანი არ მაქვს.
მე – დრაკონთა შვილი, ვფიცავ, ვინც კი მოგაყენებთ ზიანს, ყველა საშინელი სიკვდილით დაისჯება.
ამან უნდა შეურაცხმყოს? კაცად რომ გთვლიდეთ, სილას გაგაწნავდით!
ცეცხლი ვერ მოკლავს დრაკონს.
ზურგს გვაქცევთ და ყველას ცოცხლად გადაგწვავთ!
უყურე მე-7 სეზონს ქართულად – adjaranet.com-ზე!
მოამზადა ლალი ახვლედიანმა
