კინო სამყაროში ერთ-ერთი ყველაზე დამაინტრიგებელი და მოსალოდნელი ფილმი, სუპერგმირული ჟანრის იქნება, მაგრამ არ გეგონოთ, რომ ახალ „რკინის კაცს“, „სუპერმენს“ ან საერთოდ რომელიმე თავდადებულ და კეთილ გმირს ვგულისხმობთ. საუბარია „Gotham City“-ის კრიმინალური სამყაროს მეფეზე, ჯამბაზის შემაშფოთებელ მაკიაჟსა და მასთან ტანდემში მომყოლ სიგიჟეზე. საუბარია არაჯანასღი ფსიქიკის მქონე ადამამიანზე, რომელიც თავის თითოეულ ქმედებას ოცი ნაბიჯით წინ თვლის. საუბარია პარადოქსულ ბორომოქმედზე, რომელმაც დაუგეგმავი წინდახედულობითა და დაგეგმილი იმპროვიზაციით აერთხელ მუხლებზე დააყენა ბნელი ქალაქის მაცხოვებლდები. საუბარია „JOKER“-ზე.
გოთემის N1 კრიმინალი, არაერთხელ ვიხილეთ სხვადასხვა კომიკსებში,TV შოუებში, მულტფილმებსა და ფილმებში. ზემოაღნიშნული თვისებების გათვალისწინებით, ჯოკერი კომიკსებსა და კინოსამყაროში საკულტო ბოროტმოქმედად იქცა. „ჯამბაზის“ არაორდინალური ხასიათით შთაგონებულმა მსახიობებმა (ჯეკ ნიკოლსონმა, ჰით ლეჯერმა, მარკ ჰემილმა) სხვადასხვა ასევე საკულტო ბლოკბასტერებში შესანიშნავად შეასრულეს სიგიჟის ის მოთხოვნები(როლი), რომელსაც თავად გაცოცხლებული „Clown Prince of Crime“-ც კი აღიარებდა და დააკმაყოფილებდა. თუმცა, იმის გათვალისწინებით, თუ როგორი მრავალმხრივი, განსხვავებლი, არაორდინალური, არაპროგნოზირებადი და თავდაჯერებული ხასიათი აქვს ჯოკერს, ნაკლებ სავარაუდოა, რომ ამ პერსონაჟის სრულად და ამომწურავად განსახიერება, რომელიმე ფილმსა, თუ ეკრანიზაციაშია იყოს შესაძლებელი.
ყოველივე ზემოაღნიშნულის გათვალისწინებით, ახალ „ჯოკერის“ როლის მორგებასა და მისი სიგიჟის განსახიერებას, ჰოლივუდის ერთ-ერთი ყველაზე დაუფასებელი კინომსახიობი, ოსკარის ნომინანტი, ხოაკინ ფენიქსი შეეცდება. შეგახსენებთ, რომ ახალი ფილმის რეჟისორის სკამს ტოდ ფილიფსი იკავებს, რომელმაც მსახიობს შესთავაზა საკმაოდ რთული და საპასუხისმგებლო როლის შესრულება. თავდაპირველად „ხელოვნურ ინტელექტზე შეყვარებული“ მსახიობი ყოყმანობდა „Joker“-ის როლის შესრულებაზე და აღნიშნავდა:
-„საკმაოდ დიდი დრო დამჭირდა, რომ დავთანხმებულიყავი, თუმცა ეხლა უკან, რომ ვიხედეი, ვერ ვხვდები რატომ“.
ფანებს გაუხარდებათ, იმის გაგება, რომ ფენიქსი არ ნანობს ახალ დრამაში „შეშლილი ჯამბაზის“ განსახიერებას, თუმცა თავდაპირველად მას ეშინოდა საპასუხისმგებლო როლის შესრულებაზე დათანხმება. აი რა განაცხადა ინტერვიუში „Gamesradar“-თან:
-„კი დასაწყისში ნამდვილად მეშინოდა… თუმცა მე ყოვლთვის აღვნიშნავდი, რომ არსებობს ორი სახის შიში, სამოტივაციო და დამასუსტებელი. არსებობს ისეთიც, როდესაც ნაბიჯის გადადგმა არ შეგიძლია და საკუთარ თავს ეკითხები „და ეხლა რაღა ვქნა?“ ეს არ არის მისაღები. მერე ჩადიხარ ბევრად ღრმად საკუთარ თავში. ბევრი ძებნისა და პრობელის გადაჭრის შემდგომ პოულოდ მოტივაციას. მე მიყვარს ამგვარი შიში, იგი მიგვიძღვება წინ და გვაიძულებს მეტად ვიმუშაოთ“. ნათქვამია „Gamesradar“-თან მიცემულ ინტერვიში.
„შეშლილი ჯამბაზის“ როლზე დათანხმებით ხოაკინ ფენიქსმა საკმაოდ დიდი პასუხისმგებლობა აიღო. „ჯოკერი“ საყოველთაოდ აღიარებული და საკულტო პერსონაჟია, რომელსაც კომიკსებითა და სხვადასხვა ადაპტაციებით უზარმაზარი ფანბაზა მოუგროვდა. შესაბამისად ყოველი მისი ახალი გამოჩენა კინოსამყაროში, ყოველთვის ყურადღების ცენტრში ექცევა და მუდამ შედარების საგანი ხდება. თუმცა სცენარისტმა და რეჟისორმა ტოდ ფილიფსმა განაცხადა, რომ „The Joker“-ში არანაირი ძველი მასალა არ იქება გამოყენებული და ყველაფერი ახალი იქნება.
აქვე აღსანიშნავია, რომ „The Joker“ ფსიქოლოგიური დრამაა, რომელიც 55 მილიონიანი ბიუჯეტით რამოდენიმე თვეში გადაიღეს. როგორც ჩანს „DC“-ის საკულტო გმირებისაგან მხოლოდ „ფესვებია“ დარჩენილი, რადგან ახალი ფილმი არ იქნება ტიპიური სიპერგმირული ჟანრის სურათი.
შეგახსენებთ, რომ ფილმი როგორც „ლოგანი“ და „დედპული“ „R“ შეფასებას მიიღებს. ფილმის პრემიერა მიმდინარე წელს ვენის კინოფესტივალზე გაიმართება და შემდეგ უკვე სექტემბერში ტორონტოს საერთაშორისო კინოფესტივალზე გაშუქდება, ხოლო 4 ოქტობრიდან კი კინოთეატრებშიც გამოვა.
