სამეფო კარის თამაშებმა ხანგრძლივი პერიოდის განმავლობაში ტელეკრენებთან მილიონობით ადამიანი მიაჯაჭვა. სერიალი თავიდანვე გითრევს და პირველი რამდენიმე სეზონი საკმაოდ საინტერესოდაც მიმდინარეობს, თუმცა მაყურებელის გულისწყვეტად ამ პროცესის განუყოფელი ნაწილი გახდა, (წინ სპოილერებია) რადგან ის დადებითი პერსონაჟები, რომლის გულშემატკივრობასაც იწყებ სერიიდან სერიამდე, სათითაოდ სხვადასხვა მიზეზებით იხოცებიან. შესაბამისად ხანდახან ფიქრობ კიდეც: „აუუ ესეც რომ მოკვდეს მე ამას აღარ ვუყურებ…“ თუმცა, როგორც აღმოჩნდა, სხვა დადებით მიზეზებთან ერთად, ეს კონკრეტული ფაქტიც აღმოჩნდა ის ნიუანსი, რომელიც შოუს მეტ ხიბლსა და პოპულარობას მატებდა.
ამ ყველაფერთან ერთად, სერიალის პერსონაჟები და მათი როლების შემსრულებელი მსახიობებიც წლიდან წლამდე მეტად და მეტად პოპულარულები ხდებოდნენ. როგორც GOT-ის პერსონაჟები, ასევე მათი განმასახიერებელი მსახიობები, ფანების ინსპირაციის წყარო არაერთხელ გამხდარან და საკმაოდ სახალისო პროექტებიც შეუქმნიათ მათი მონაწილეობით. შესაბამისად, გვინდა შემოგთავაზოთ ერთ-ერთი მსგავსი ნამუშევარი, სადაც არტისტმა, სამეფო კარის თამაშების პერსონაჟები მე-20 საუკუნის დასაწყისის მაფიოზებად აქცია, რომლებიც ყველა არსებული ხერხით ცდილობდნენ იმ პერიოდში არსებული მშრალი კანონის გვერდის ავლას:
