უახლოეს მომავალში, განსაკუთრებით კი 2021 წლისკენ კინოსამყაროს მოყვარულთა და კრიტიკოსთა დიდი ნაწილის ყურადღება „დისნეისაკენ“ და მისი ახალი მულტიმედიური პლატფორმის, „Disney+“-კენ იქნება მიპყრობილი. შეგახსენებთ, რომ „თაგვის სახლის“ ახალი პროდუქტი, „Disney+“ წარმოადგენს „Netflix“-ისა და „HBO“-ს მსგავს პლატფორმას, სადაც თავსდება „მიკი მაუსის“ კუთვნილებაში არსებული პროდუქცია ფილმების, სერიალებისა და TV შოუების სახით – ეს არის ადგილი, სადაც „დისნეი“ ექსკლუზიურად განათავსებს ისეთ ცნობილ ფრანჩიზებს როგორებიცაა: „Star Wars“, „Avengers“, „The Pirates of the Caribbean“, „Toy Stories“ და კიდევ უამრავ, ცნობილსათაურიან ფილმს, ანიმაციასა თუ TV შოუს.
როგორც ყოველწლიურად ხდება, ყოვლისშემძლე თაგვმა ა.წ 11 დეკემბერს ინვესტორთა საბჭოსათვის საკმაოდ ინფორმატიული და სიახლეებით აღსავსე კონფერენცია ჩაატარა. „Disney’s Investors Call“-ზე არაერთ სიახლეზე, გეგმებსა და მოლოდინებზე იყო საუბარი, თუმცა კევინ ფაიგიმ სრულიად სამყაროს ყურადღება მიიპყრო და დისნეის მიერ დაანონსებული ფილმებითა და TV შოუებით ანაბიოზში მყოფი კინოსაზოგადოება 1 წამში გამოაფხიხლა:
უყურე „WandaVision“-ის N1 ოფიციალურ
თრეილერს Adjaranet.com-ზე
ახლა კი ყველასგან მოულოდნელად მარველმა WandaVision-ის ახალი, N2 თრეილერი გააშუქა და ამასთან ერთად მისი გამოსვლის თარიღიც კიდევ ერთხელ, საბოლოოდ დაანონსა. ეს თარიღი ჩვენთვის განსაკუთრებით სასიხარულოა, რადგან ძველით ახალი წლის აღნიშვნისა და გაცილების შემდგომ, 15 იანვარს WandaVision-ის პირველი ეპიზოდის ყურებით აღვნიშნავთ Marvel-ის მეოთხე ფაზის დაწყებას:
