1939 წლის „The Wizard of Oz“ (ოზის ჯადოქარი) ნამდვილად საკულტო და ისტორიული მნიშვნელობის ფილმია რომელიც, „Metro-Goldwyn-Mayer“-მა ლ.ფრანკ ბაუმის ამავე დასახელების ნაწარმოების მიხედვით გადაიღო. კინოეკრანიზაცია დღემდე რჩვება მწერლის ერთ-ერთ ყველაზე წარმატებულ ადაფტაციად.
აღნიშნული ფილმი, დღეს 80 წლის წინანდელი პოპულარობით აღარ სარგებლობს, თუმცა ინტერნეტში ბევრი რაიმეს პოვნა არის შესაძლებელი და ხანდახან გაგიკვირდება კიდეც რას წააწყდები. წინა პოსტში ჩვენ განვიხილეთ და ცალი თვალით შევხდედეთ, თუ როგორი „მეწამული“ შესაძლოა ყოფილიყო მარტო სახლშის კინოფრანჩიზა მთლიანობაში, თუ შტატების კინოასოციაცია მას „R“ შეფასებას მიანიჭებდა, ასევე შემოგთავაზეთ ამავე კინოფრანჩიზის ერთ-ერთი ეპიზოდი, სადაც კევინ მაკალისტერს არა მაკოლეი კალკინის, არამედ სილვესტერ სტალონე ანსახიერებდა. ახლა კი საკმაოდ საინტერესო და სახალისო „Deepfake“ ვიდეოს წავაწყდი, სადაც „ოზის ჯადოქარში“ სრულიად ახალი და თანამედროვე სამსახიობო გუნდი იღებს მონაწილეობას.
საკმაოდ ცნობილმა ჯგუფმა, „Next Face“-მა, რომელსაც წარმატებული „Youtube“-ის Channel, მიჰყავს, შეცვალეს „ოზის ჯადოქრის“ სრული სამსახიობო გუნდი, დოროთი ტომ ჰოლანდმა განასახიერა, ხოლო საფთხობელას როლი რობერტ დაუნი უმცროსს მოარგეს, რომლებიც რკინის შეშისმჭრელსა (კრის პრატი) და მშიშარა ლომთან ერთად (კრის ჰემსუორტი) ყვითელი ქვაფენილით მორთულ გზას მიუყვებიან. ვიდეოს ავტორებს არც მარველის კინოსამყაროს პიონერი, სტენ ლი გამორჩათ, რომელსაც თავად ბრძენი ჯადოქრის როლი ანდეს. თავად „Deepfake Video“-ს კი, „The Avengers Of Oz“ (ოზის შურისმაძიებლები) უწოდეს.
აქვე აღსანიშნავია, რომ ყოველი მომდევნო მსგავსი ტიპის ვიდეოს გამოსსვლასთან ერთად უმჯობესდება ანიმაციების, სპეციალური ეფექტებისა და სახის ჩანაცვლების ტექნოლოგიები, რაც იმ პირისაათვის, რომელმაც არც იცის ხსენებული ფილმის ორიგინალი მსახიობების შესახებ ან/და იმის შესახებ, რომ ვიდეო ყალბია, ეჭვი არ შეეპარება მის აუთენტურობაში.
