ანიმე იაპონიაში შექმნილი ანიმაციაა, რომელიც უკვე დიდი ხანია, ამომავალი მზის ქვეყნის ფარგლებს გასცდა და დასავლეთში დამკვიდრებულ ანიმაციას საკმაოდ დიდ კონკურენციას უწევს. მის ფენომენალურ პოპულარობას არაერთი ასპექტი თუ დეტალი განსაზღვრას, თუმცა ამ საკითხებზე მოგვიანებით. სიტყვა „ანიმეს” გაგონებაზე თანამედროვე მაყურებელს, რომელიც ე.წ „Fun Service“ არის მიჩვეული მომენტალურად აზრად მოსდის: „Naruto“, „Bleach“, „One Piece“, „Deathnote“ (ხსენებულ ანიმეებს არ ვაკრტიკებთ) და სხვა, თუმცა მათ ვისაც გულწრფელად უყვარს ანიმე და მის საწყისებს იცნობს, არ იქნება გასასკვირი რომ მათთვის სიტყვა „Anime“ პირველ რიგში ლეგენდარულ მანგაკასა, განსაკუთრებულ სცენარისტსა და ფენომენალურ რეჟისორთან, ჰაიაო მიაძაკისთან ასოცირდებოდეს. მან ბავშვობის მეგობართან, ოსაო ტაკაჰატასთან ერთად დაარსა სტუდია „Ghibli“ რომლის ქოლგის ქვეშაც ლეგენდარულმა მანგაკამ შექმნა ისეთი საკულტო და კლასიკად ქცეული შედევრები როგორიცაა: ნავსიკაია ქარების ველიდან, ჩემი მეზობელი ტოტორო, ჰოულის მოსიარულე კოშკი, ქარი მატულობს და რა თქმა უნდა მოჩვენებების მიერ გატაცებული.
ახლა კი ყველასაგან მოულოდნლად სტუდიამ ახალი პროექტის, „Earwig And The Witch“-ის თრეილერი გაავრცელა. გარდა იმისა, რომ სტუდიისაგან სიახლეებს არავინ არ ელოდა, გაკვირვების საბაბი ასევე თავად პროექტიც აღმოჩნდა, რადგან ჰაიაო მიაძაკისა და სტუდია გიბლისაგან მაყურებელი მიჩვეულია ტრადიციულ სტილში, ქაღალდითა და ფერადი ფანქრებით დახატული ლამაზი ზღაპრების ყურებას, ახლა კი მულტფილმი სრულად კომპიუტერის დახმარებით იქნება ანიმირებული.
მიუხედავად იმისა, რომ ანიმაცია საკმაოდ კარგი ხარისხისაა და ხატვისას სტუდიის სტილიც გარკვეულ წილად შენარცუნებულია, მაინც კომოპიუტერზე ანიმაცია განსხვავდება ტრადიციულ სტილში დახატული ანიმესაგან, ვიმეორებ რომ არც ერთ შემთხვევაში არ არის ცუდი, უბრალოდ განსხვავებულია. ჩვენ არ ვაკრიტიკებთ სტუდიის გადაწყვეტილებას, უბრალოდ აღვნიშნავთ, რომ არავინ, მათ შორის ჩვენც, არ ელოდა გიბლისაგან მსგავსი პროექტის წარდგენას. დანარჩენს კი თავად დრო გვეტყვის, როდესაც შედგება ფილმის პრემიერა და მაყურებელი საკუთარ შეფასებებს გააკეთებს, არავინ იცის წინასწარ რას გვიმზადებს ლეგენდარული მანგაკა, რადგან შესაძლოა წინ კიდევ ერთი „Spirited Away“ გველოდეოდეს.
