მე-20 საუკუნის მიწურილისათვის საკმაოდ პოპულარული გახდა მხატვრული და ანიმაციური ფილმების სინთეზი და ისეთი სახალისო და საინტერესო პროექტების გადაღება როგორებიც არის, „Who Framed Roger Rabbit“, „Cool World“ და რა თქმა უნდა „Space Jam“. 90-იანებში, ჯერ კიდევ როდესაც კომპიუტერული ეფექტების შესაძლებლობები არ იყო საკმარისად განვითარებული მულტიფლიკაციური სამყაროსა და რეალური მსახიობების შერწყმა რთული და შრომატევადი პროცესი იყო, ხოლო თუ მსგავსი იქმდენოდა ძირითადად, ეს ახალი სიტყვა იყო ხოლმე კინემატროგრაფიაში.
Space Jam-ი დარწმუნებით შეიძლება ითქვას რომ თითქმის ყველას აქვს ნანახი, ან მინიმუმ გაგებული მაინც აქვს იმის შესახებ, რომ ბაგს ბანისა და დაფი დაკთან ერთად მაიკლ ჯორდანმა მონსტრების გუნდი საკალათბურთო მატჩში დაამარცხა. უბრალოდ აღნიშნო, რომ ფილმა პოპულარობა მოიპოვა, უმჯობესია საერთოდ არაფერი თქვა, რადგან სათავგადასავლო ფილმი ნამდვილად საკულტო სურათად იქცა, რომელსაც დღესაც კი პატარები, მოზარდები თუ თუნდაც უფროსები დიდი სიამოვნებით და ხალისით უყურებენ.
2003 წელს Warner.Bros-მა გადაწყვიტა Space Jam-ის მაგალითზე შეექმა კიდევ ერთი მსგავსი ფილმი, „Looney Tunes: Back in Action“, რომელშიც მონაწილეობა მიიღეს იმ დროის მეგავარსკვლავებმა, ბრენდონ ფრეიზერმა, სტივენ მარტინმა და ტიმოტი დალტონმა, თუმცა ფილმა საკამოდ ცუდი შეფასებები და დაბალი შემოსავალი მიიღო, რის შედეგადაც მალევე დავიწყებას მიეცა, ასევე როგორც „Space Jam“-ის მეორე ნაწილი, რადგან ანალოგიური ჟანრის ფილმების შექმნა წამგებიან და მაყურებლისათვის უინტერესო ჟანრად მიიჩნიეს.
სპორტული კომედიის გაგრძელების შესახებ საკმაოდ დიდი ხანის განმავლობაში საუბრობდნენ და ამასთან ერთად განიხილავდნენ სხვადასხვა სპორტსმენებსა და სპორტის სახეობებს, თუმცა საბოლოო გადაწყვეტილება კვლავ კალათბურთზე გაკეთდა, ხოლო არავის გაუკვირდდებოდა თუ ვინ დაიკავებდა ჯორდანის შემდგომ სიკველში მთავარ როლს; „The King“, „L-Train“, „The Chosen One“, „The Akron Hammer“ და „Bron Bron“ ყველა ეს ზედმეტსახელი ერთ სახელგანთქმულ სპორტსმენს და ბევრის აზრის N1 კალათბურთელს, ლებრონ ჯეიმს ეკუთვნის, რომელიც ახალ Space Jam-ში ბაგს ბანისა და დაფი დაკთან საკალათბურთო მატჩს ითამაშებს. ამის შესახებ ჯერ კიდევ 2019 წელს გახდა ცნობილი, ხოლო ახლა ოფიციალური თრეილერიც კი გამოვიდა:
უყურე „Space Jam: A New Legacy“-ის
თრეილერს adjaranet.com-ზე
როგორც თრეილერიდან ხედავთ, ლებრონი კოსმოსური შეჯიბრის სიქველში საკუთარ თავს თამაშობს, რომელსაც ანიმაციურ ან/და ციფრულ სამყაროში საკალათბურთო მატჩის ჩატარება და მოგება მოუწევს იმისათვის, რომ საკუთარი შვილი ტყვეობიდან იხსნას. რა თქმა უნდა მსგავსი ფილმისაგან ჩახლართულ შინაარსა ან/და ნოლანისებრი მოვლენათა განვითარებას არავავინ ელის, ერთადერთი ყველას რისი მოლოდინიც აქვს, არის რომ სიკვლეში ლებრონისა და „Looney Tune“-ელების სახალისო საკალათბურთო მატჩი იხილონ. აქვე აღსანიშნავია, რომ ფილმში ორი სახის ანიმაციას ვიხილავთ. პირველი სტანდარტული ლუნი თიუნსის, მულტფილმის სტილში, ხოლო მეორეს უკვე CGI ეფექტებით.
სპორტული კომედიის გაგრძელებას მალკოლმ დ. ლი გადაიღებს და ლებრონის გარდა ფილმში მონაწილეობას მიიღებენ დონ ჩიდლი, ხოშა როკმორი და სონეკუა მარტინ-გრინი.
ფილმის პრემიერა მიმდინარე წლის 16 ივლისს, კინოთეატრებსა და HBOMAX-ზე ერთობლივად შედგება
