2009 წელს Paramount Pic-მა სტივენ სომერსთან ერთად ბლოკბასტერების მოყვარულებს წარუდგინა ცნობილი კომიქსის „G.I. JOE“-ს ეკრანიზაცია, რომელიც მოგვითხრობა ელიტარული გუნდისა და ახალი თაობის ჯაშუშების ოპერაციების შესახებ, რომელთა მიზანს საიდუმლო ორგანიზაციის „კობრას” განადგურება წარმოადგენდა. მიუხედავად იმისა, რომ „G.I. JOE: THE RISE OF COBRA“-მ საკმაოდ დაბალი შეფასებები მიიღო (imdb 5.3 ★; rotten tomatoes 34%) 175 000 000 ბიუჯეტით, მსოფლიოს მასშტაბით 302 მილიონი აშშ დოლარის მოგროვება შეძლო, შესაბამისად სიკველის გამოსვლის საკითხი, მხოლოდ დროის ამბავი გახლდათ. როგორც ეს წლიდან წლამდე ხდება, ჰოლივუდის საუკეთესო ტრადიციების შესაბამისად 2013-ში, ახლა უკვე ჯონ ჩუს რეჟისურითა და დუეინ „Rock“ ჯონსონის მონაწილეობით გამოვიდა სიკველი, „G.I. JOE: RETALIATION“. როგორც მისმა წინამორბედმა, ვერც მეორე ფილმმა მოიპოვა კრიტიკოსთა სიმპათიები (imdb 5.8 ★; rotten tomatoes 28%), თუმცა 130 000 000 ბიუჯეტიანმა სიკველმა მსოფლიოს მასშტაბით უკვე 378 მილიონი აშშ დოლარის შემოსავალი მიიღო და როგორც ეს ჰოლივუდის…. მაგრამ გადიოდა წლები და მესამე ფილმის გამოსვლის საკითხე უცნობი რჩებოდა, სანამ 2018 წელს კვლავ სტივენ სომერსმა არ დაანონსა „G.I. Joe“-ს მესამე ფილმის გამოსვლა.
აუცილებლად აღსანიშნავია, რომ ბლოკბასტერის მესამე ფილმი კინოფრანჩიზის ერთ-ერთი ყველაზე იდუმალი და მაყურებელთა საყვარელი პერსონაჟის, „Snake Eyes“-ის ირგვლივ განვითარდება
უყურე „Snake Eyes: G.I. Joe Origins“
თრეილერს adjaranet-ზე
თავდაპირველი გავრცელებული ინფორმაციით, ახალი ფილმი წინა ორი ფილმი პრიკველი უნდა ყოფილიყო, რომელიც უბრალოდ აქცენტს Snake Eyes-ზე გააკეთებდა, თუმცა საბოლოოდ აღმოჩნდა, რომ ბლოკბასტერი კინოფრანჩიზის ერთგვარი რებუტი იქნება და შემოგვთავაზებს გველისთვალებას ისტორიას. ფილმში მოვლენები მას შემდეგ იწყება, რაც იაპონიის ერთ-ერთი უძველესი კლანი, არაშიკაგე ჯერ კიდევ ახალგაზრდა Snake Eyes-ს საკუთარ რიგებში მიიღებს, მას შემდეგ, რაც უკანასკნელი კლანის წევრს გადაარჩემს. ორგანიზაცია ახალგაზრდა ბიჭის მომზადებასა და ნინძად აღზდას დაიყებს, თუმცა ყველაფერი დავდაყიდა მაშინ დადგება, როდესაც კლანის წევრები გველისთვალებას საიდუმლოს, მისი წარსულიდან გაიგებენ.
„G.I. JOE“-ს რებუტში მთავარ როლს ჰენრი გოლდინგი შეასრულებს, რომელიც ჩვენთვის Gentlemen-ში შესრულებული, მშრალი თვალის როლით არის ცნობილი. ასევე მონაწილეობენ სამარა უივინგი, სამარა კორბერო, პიტერ მენსა, ტაკეჰირო ჰირა და სხვები. ფილმის ბიუჯეტი 150 000 000 აშშ დოლარის ფარგლებში მერყეობს, თუმცა ზუსტი ციფრი ბლოკბასტერის გამოსვლის შემდგომ გახდება ცნობილი. როგორც უკვე ვახსენეთ ბლოკბასტერის გადაღების იდეა 2018 წელს დაანონსდა, ხოლო უკვე 2019 წლის ოქტომბერში პარამაუნტმა რობერტ შვენტკეს რეჟისურით გადაღებები დაიწყო. 2020-ის თებერვალში გადაღებები დასრულდა და ფილმის პრემიერაც მალევე 2021 წლის მარტის თვეში იგეგმებოდა, თუმცა მოვლენები სრულიად სხვაგვარად განვითარდა.
შეგახსენებთ, რომ „Snake Eyes“-ს „R“ რეიტინგი ექნება და მისი პრემიერა მხოლოდ კინოთეატრებში 23.07.2021 -ში შედგება, ხოლო 45 დღის შემდგომ „Paramount+“-ის გამომწერებსაც ექნებათ შესაძლებლობა უყურონ ბლოკბასტერს:
