როგორც თქვენთვის ცნობილია, ტომ ჰოლანდის მონაწილეობით სპაიდერ მენის კინოფრანჩიზის მესამე ფილმის, „No Way Home“-ის პრემიერა სულ ახლახანს შედგა და ბლოკბასტერზე წამსვლელთა რაოდენობა იმაზე მეტი აღმოჩნდა ვიდრე ვინმე იფიქრებდა. წინასაპრემიერო ჰაიპი, რომელიც ფილმის ირგვლივ შეიქმნა, რა თქმა უნდა გამოწვეულია სხვადასხვა საკულტო პერსონაჟების სურათში გამოჩენით. შეგახსენებთ, რომ ბლოკბასტერის პრემიერა 17 დეკემბერს შედგა, ხოლო შტატებში კინოთეატრის ბილეთების წინასწარი გაყიდვები 29 ნოემბერს დაიწყო. ფილმზე წასვლის მსურველი იმდენად ბევრი აღმოჩნდა, რომ ბილეთების პორტალების სერვერებმა ხალხის რაოდენობას, ე.წ ტრაფიკს ვერ გაუძლო და დავარდა. აღსანიშნავია, რომ პრემიერის პირველ დღეს, ბლოკბასტგერმა 121 მილიონის მოგროვება შეძლო, ხოლო დღეის მდგომარეობით კინოფრანჩიზის მესამე ფილმმა მსოფლიოს მასშტაბით 1.7 მილიარდი აშშ დოლარის შემოსავალი მიიღო.
მაქსიმალურად მარტივად, რომ ვთქვათ, Spider-Man: No Way Home-მა ყოველგვარ მოლოდინს გადააჭარბა და მიუხედავად იმისა, რომ ფილმის პრემიერიდან თვეზე მეტი გავიდა, ჰაიპი მის ირგლივ ჯერ კიდევ არ ცხრება. ფანები და მაყურებლები ბლოკბასტერის ყოველი განმეორებითი ყურებით ახალ-ახალ ფაქტებსა და დეტალებს ამჩნევენ, რომელთაც სხვადასხვა სოც. ქსელებში ანთავსებენ. ახლა კი ხსენებული დეტალების აღმოჩენაში, მათ ფილმის ორიგინალი სცენარიც დაეხმარება. Deadline-მა ბლოკბასტერის სრული, 182 გვერდიანი სცენარი, რომელიც ფილმისათვის Chris McKenna-მ და Erik Sommers-მა დაწერეს გუშინ, 25 იანვარს საკუთარ ვებ პორტალზე განათავსა და მისი წამკითხველთა რაოდენობა ფილმზე კინოთეატრში წამსვლელთა რაოდენობაზე ბევრად ნაკლები არ აღმოჩნდა…
იხილეთ Spider Man: No Way Home-ის სცენარი
