ჩვენ უკვე არაერთხელ განვიხილეთ მარველის კინოსამყაროში მიმდინარე მოვლენები და ამასთან ერთად შევეხეთ დაგეგმილი ბლოკბასტერებისა თუ TV შოუების პრემიერის თარიღებს, ასევე როგორც მათში მონაწილე მსახიობებსა და პერსონაჟებს. კეპი, რკინის კაცი, ჰალკი, თორი და სხვა, ის სუპერგმირიები არიან, რომლებიც წლების განმავლობაში სხვადასხვა თავბრუდამხვევ ისტორიებში იღებდნენ მონაწილეობას და არაერთხელ დაამარცხეს წარმოუდგენლად ძლიერი ბოროტმოქმედები.
როგორც თქვენთვის ცნობილია, მარველის მეოთხე და მეხუთე ფაზებისათვის არაერთი მსხვილბიუჯეტიანი ბლოკბასტერი, ტვშოუ და ანიმაციაა დაგეგმილია და გამოსული. მოგეხსენებათ, რომ 2020 წლის ბოლოდან დისნეისა და მარველის არაერთი პროექტი ვიხილეთ: „The Falcon and The Winter Soldier“, „WandaVision“, „Loki“, „Black Widow“, „What If?!“ და სხვა. „Shang-Chi and The Legend Of The Ten Rings“-ის, „Eternals“-ის, „Hawkeye“-სა და „Spider Man: No Way Home-ის“ ყურება სულ ახლახანს დავასრულეთ და ნელ-ნელა უახლოვდებით იმ ნიშნულს, სადაც ძველი პერსონაჟები მაქსიმალურად ახლებით ჩანაცვლდებიან. ჩვენი წინა სტატიებიდან გაიგებდით, რომ მარველის გაფართოებულ კინოსამყაროში „Moon Knight“-იც ჩაერთვება, პერსონაჟი, რომელიც კომიქსების მოყვარულთათვის 70-იანი წლებიდან არის ცნობილი, ხოლო დანარჩენი მაყურებელი კი მას დაგეგმილი ტელესერიალიდან გაიცნობს.
შეგახსენებთ, რომ „Moon Knight“ ცნობილია, როგორც მარკ სპექტორი, ყოფილი შტატების ჯარისკაცი, რომელიც ღალატის შედეგად მოკლეს, თუმცა ეგვიპტის მთვარის ღმერთთან, ხონშუსთან დადებული გარიგების შედეგად რეინკარნირებულ იქნა და ახლა ბოროტების წინააღმდეგ იბრძვის. შეგახსენებთ, რომ მთვარის რაინდის ტელესერიალის პრემიერა სულ ახლახანს, კერძოდ კი 30 მარტს შედგა. იმის გათვალისწინებით, რომ ყოველი მომდევნო რამოდენიმე კვირის განმავლობაში ახალ-ახალ სერიებს ვიხილავთ გადავწყვიტეთ, მარკ სპექტორის, aka Moon Knight-ის შესახებ მცირეოდენი ინფორმაცია მოგოწადოთ, მათ შორის ყველაფერი ის საშინელებები, რაც გმირს საკუთარი არსებობის მანძილზე ჩაუდენია:
მთვარის რაინდი დაქირავებულ მკვლელად მუშაობდა:
მთვარის რაინდმა Deadpool პატარ-პატარა ნაწილებად დაკუწა
Moon Knight-მა Avengers-ებს არაერთხელ შეუტია
თორს არაერთი თანამგზავრი მოარტყა და თითქმის მოკლა
მოკლა საკუთარი ძმა
მთვარის რაინდი ადამიანების შუბლზე საკუთარ სიმბოლოს დანით ტვიფრავდა
Moon Knight-მა დახოცა საკუთარი მშობლები
მთვარის რაინდს ვერ დელფინი გადაურჩა
მთვარსი რაინდს, რომ ჰყოლოდა არქი მტერი ეს Raul Bushman იქნებოდა. ბუშმენი სპექტორის ყველა უბედურების მიზეზია. ზუსტად ამ მიზეზით მარკმა რაულს სახე დანით სრულად მოაჭრა
მთვარის რაინდი, საკმაოდ ცივსისხლიანი პერსონაჟია ასევე შეგახსენებთ, რომ „Moon Knight“-ი მარკ სპექტორის ალტერ ეგოა, რომელიც ეგვიპტის ღმერთის, ხონშუს ნების გამტარებელია, ასევე პერსონაჟს „იდენტურობის დისოციაციური აშლილობა“ აწუხებს, მარტივად რომ ვთქვათ პიროვნების გაორება. მას საკუთარ თავში შექმნილი ჰყავს არაერთი პიროვენბა, რომლებსაც სხვადსხვა ხასიათი გააჩნიათ, სხვადასხვა როლებს ასრულებენ და განსხვავებული საქმიანობების სპეციალისტებიც არიან. მთვარის რაინდის ეს კანონიკური შტრიხიც აუცილებლად იქნება გამეორებული სერიალში. ხშირად „Moon Knight“-ს Batman-ს ადარებდნენ, რადგან, როგორც ბრიუს უეინი, ასევე მარკ სპექტორი წარამტებული ბიზნესმენია. ორივეს შეუზღუდავი ფინანსური შესაძლებლობები გააჩნიათ, რასაც რა თქმა უნდა გაჯეტების შექმნასა და ბოროტმოქმედების წინააღმდეგ ბრძოლაში იყენებენ. ორივე შესანიშნავი გამომძიებელია და მიუხედავად იმისა, რომ ორივე საკმაოდ რაციონალურ პერსონაჟია, განსაკუთრებული სისასტიკით გამოირჩევიან. მათ შორის ერთი დიდი განსხვავება მაინც რჩება, მთვარის რაინდს სუპერძალები გააჩნია და იგი ცეცხლსასროლ იარაღსაც იყენებს.
