როგორც თქვენითვის ცნობილია, ხანგრძლივი პერიოდის განმავლობაში ცნობილი ადამიანების შესახებ არაერთი სახალისო ფაქტი შევიტყვეთ და ამასთან ერთად მოვიძიეთ უამრავი ფოტოსურათი, სადაც ნაჩვნები იყო ჩვენი საყვარელი მსახიობების, მომღელებისა თუ ზოგადად ცნობადი სახეების შესახებ სხვადასხვა სახის ინფორმაცია, მაგალითად როგორ გამოიყურებოდნენ ისნი ბავშვობაში, როგორ იკეთებდნენ გრიმს, ვისთან პარტნიორობაზე ამბობდნენ უარს ან/და როგორ იმატებდნენ თუ იკლებდნენ წონაში ერთი ფილმიდან მეორემდე. როგორ ჩანს, მსახიობობა საკმაოდ რთული პროფესია, რომელიც განსაკუთრებულ სიბეჯითესა და აუცილებლად ნიჭს მოითხოვს. კარგი მსახიობები საუკეთესოდ ახერხებენ სხვადასხვა ლიტერატურული თუ ისტორიული პერსონაჟებისა და ცნობილი ადამიანების განსახიერებას. საუკეთესო შემთხვევებში მსახიობები არა მხოლოდ ასრულებენ პერსონაჟის როლს, არამედ გვიქმნიან განცდას, რომ ისინი თავად იყვნენ პერსონაჟები. ამასთან ერთად მსახიობობა არაერთი საათის მომზადებას, როლში შესვლას, პერსონაჟის დამუშავებას, მისი ხასიათის შექმნასა და სხვა მნიშვნელოვან დეტალებს მოიცავს. შესაბამისად არაერთხელ გაგვიგია დიდი შრომის შედეგად შექმნილი პერსონაჟები, მაგალითად ხოაკინ ფენიქსისა და ჰიტ ლეჯერის მიერ შესრულებული ჯოკერი. მიუხედავად იმისა, რომ ორივე პერსონაჟი რადიკალურად განსხვავებულია ერთმანეთისაგან და აბსოლუტურად განსხვავებულ ისტორიაში იღებენ მონაწილეობას იგრძნობა ორივე მსახიობის ასობით საათის მუშაობა. მაგრამ რა ხდება მაშინ, როდესაც მსახიობს როლის შესასრულებლად შრომა საერთოდ არ უწევს და პირდაპირი ანსახიერებს ამა თუ იმ გმირს, ან/და საერთოდ უკიდურეს ჭრილში რომ განვიხილოთ არასოდეს ყოფილა მსახიობი.
კინოსამყაროს არაერთი პერსონაჟი ახსოვს, რომელიც არაპროფესიონალმა მსახიობმა განსახიერა. შორს რომ, არ წავიდეთ ქართულ კინემატოგრაფიაშიც იყო მსგავსი პრეცენდენტები თანაც არაერთი, მაგალითად თემურ ბაბლუანის უკვდავ კლასიკაში „უძინართა მზეში“, პროტაგონისტის, დათოს როლი დავით კაზიშვილმა შეასრულა, რომელიც პროფესიით მსახიობი არ ყოფილა (ასევე როგორც დათოს დის, აგნესას როლი არაპროფესიონალმა მსახიობმა ეკა საათაშვილმა განასახიერა). ყოველივე აქედან გამომდინარე გვაქვს სურვილი შემოგთავაზოთ რამოდენიმე სახელგანთქმული პერსონაჟის როლი, რომელიც არაპროფესიონალმა მსახიობებმა განასახიერეს: