სხვადასხვა ფილმში გამეორებული კადრები და დეტალები, რომლებიც აქამდე არ შეგვიმჩნევია

ბევრ რეჟისორს მოსწონს საკუთარ ფილმებში ძნელად შესამჩნევი დეტალების დამალვა და მაყურებლისთვის საიდუმლო გზავნილის დატოვება. ასეთ მომენტებს “სააღდგომო კვერცხს” (Easter Egg) უწოდებენ და კინმოყვარულებს ძალიან ახალისებს მათი “დაჭერა”.

სწორედ ასეთი ფანების დამსახურებაა იმ დამთხვევების აღმოჩენა, რომლებსაც ჩვენს სტატიაში წარმოგიდგენთ.

მაშ ასე: გავიგოთ, რა საერთო დეტალი და განმეორებული კადრი შეიძლება ვიპოვოთ სხვადასხვა ფილმში, ან როგორ გადაიღეს ესა თუ ის მნიშვნელოვანი სცენა.

1. ზოოტოპია

მულტფილმში არის მომენტი, როცა სევდიანი მგელი პარკში სკამზე ჩამომჯდარა ბუტერბროდით ხელში. ეს კადრი ალუზიაა მსახიობ კიანუ რივზის ინტერნეტში გავრცელებული ფოტოზე.

1. ყბები/ღრმა ლურჯი ზღვა

ფილმის ღრმა ლურჯი ზღვა დასაწყისში ერთ-ერთ მთავარ გმირს გემბანზე ზუსტად ის ნომერი ამოაქვს, რომელიც ყბებში ზვიგენის მსხვერპლი გახდა.

3. როგორ მოვათვინიეროთ დრაკონი

დრაკონის მოძრაობის ანიმაცია კატების მოძრაობის მიხედვითაა გაკეთებული.

4. ბედნიერების კვალდაკვალ

ფილმის დასასრულში, კრის გარდნერთან (რომელსაც უილ სმიტი თამაშობს) ახლოს ჩაივლის ნამდვილი კრის გარდნერი, რომლის ცხოვრების ამბავსაც ეს ფილმი გვიყვება.

5. მოღრუბლულობა. შესაძლოა ნალექი გუფთების სახით

მულტფილმში არის სცენა, როცა ჰაერში ნამცხვრები ცვივა და პირდაპირ სახეში ხვდება რაშმორის მთაში გამოქანდაკებულ პრეზიდენტებს გარდა აბრაამ ლინკოლნისა. მას ნამცხვარი კეფაში ხვდება. რატომ? პასუხი გენიალურია – ის ზუსტად ზურგიდან ნასროლი ტყვიით მოკლეს.

6. ნათლია

ძალიან ხშირად, როცა რომელიმე პერსონაჟი უნდა მოკვდეს, ფილმში ფორთოხლები ჩნდება. ეს კაშკაშა ციტრუსი სიკვდილის მომასწავებელია.

7. მაღლა

თუ კარგად დავაკვირდებით, შევამჩნევთ, რომ ნივთებს, რომლებიც კარლს ეკუთვნის, ოთხკუთხა ფორმები აქვს, ელის კუთვნილ ნივთებს კი – მომრგვალებული.

8. უცხო: კოვენანტი

ფანებმა კარგა ხანია შეამჩნიეს, რომ კომპიუტერის ინტერფეისი ფილმიდან უცხო (1975), დანის პირზე მორბენალშია (1981) გამოყენებული. რეჟისორმა რიდლი სკოტმა ეს საინტერესო ტრადიცია არ დაარღვია და იგივე კადრი კოვენანტში გაიმეორა.

10. ადამიანი-ობობა (2002)

ამ სცენისთვის რეჟისორს კომპიუტერული გრაფიკის დახმარება არ სურდა, ამიტომ ერთადერთი სცენის გადასაღებად 156 დუბლის გადაღება გახდა საჭირო. ზუსტად ამდენივე ცდა დასჭირდა ტობი მაგუაიერს, რომ ყველა პროდუქტი სინით დაეჭირა.

11. ადამიანი-ობობა: შინ დაბრუნება (2017)

ფიზიკის კაბინეტის კედელზე მეცნიერების პორტრეტები კიდია, მათ შორის კი (უკიდურეს მარჯვენა კუთხეში) მარველის სამყაროს სუპერგმირს, ბრიუს ბანერსაც შეამჩნევთ, რომელიც ბიოქიმიაში, ბირთვულ ფიზიკასა და გამა-გამოსხივებებშია განსწავლული, ამასთან, ჰალკად გადაქცევა შეუძლია.

12. კოკო

ჩვენ ვიცით, რომ პიქსარს უყვარს საკუთარი ქმნილებების სხვადასხვა ფილმში დეტალებად გამოჩენა. სწორედ ასეთია ყველაზე მაგრები, რომელთა პოსტერიც გარდაცვლილთა სამეფოს ერთ-ერთ კედელზეა გაკრული. თუმცა, დააკვირდით: მათაც კი ჩონჩხისებური სახეები აქვთ.

13. დანის პირზე მორბენალი 2049

პლანშეტი, რომელსაც რაიან გოსლინგის გმირი იყენებს ფილმის დასაწყისში, სინამდვილეში 1920-იანი წლების კამერის ფირების ჩასაწყობი სათავსო იყო.

14. LEGO – ფილმი

ფილმში ასტრონავტის ჩაფხუტის ქვედა მხარეს ნაპრალია, რომლის დაწებებასაც გმირი გამუდმებით ცდილობს. ეს პრობლემა მართლა ჰქონდა ნამდვილი ლეგოს სათამაშოებს ჩაფხუტის ნაწილში.

15. მოანა

კაკამორის პირატების ბანდის ერთ-ერთ წევრი ბეიმაქსადაა გადაცმული ფილმიდან დიდი გმირი.