ჩვენ რიმეიქების, სიქველების, რებუთების, პრიქველებისა და სპინოფების ეპოქაში ვცხოვრობთ. ჰელოუინის წარმატების შემდეგ კინოსტუდიებმა ძველი ჰორორების გაცოცხლება დაიწყეს. წარმოგიდგენთ საკულტო საშინელებათა ჟანრის ფილმებს, რომელთა ახალი ვერსიები მიმდინარე წელს გამოვა.
შინაური ცხოველების სასაფლაო
იგის წარმატებამ სტივენ კინგის წიგნების მიმართ ინტერესი გაიზარდა. 1989 წელს გამოსული შინაური ცხოველების სასაფლაოს რიმეიქი კინოგაქირავებაში რამდენიმე დღეში ჩაეშვება. სატესტო ჩვენებებზე ფილმმა დადებითი შეფასებები დაიმსახურა.
ნოსფერატუ
ფრიდრიხ მურნაუს კლასიკური ფილმის რიმეიქი ჯერ კიდევ 1978 წელს ვერნერ ჰერცოგმა შემოგვთავაზა. ჰოლივუდის დროც მოვიდა, წელს ორი სხვადასხვა სტუდიის რიმეიქი იგეგმება. პირველს დ.ლ.ფიშერი გადაიღებს, ხოლო მეორეს ალქაჯის ავტორი რობერტ ეგერსი შეეჭიდება.
საშინელება თელების ქუჩაზე
ამ ფრენჩაიზს მრავალი აღმაფრენა და დაცემა ახსოვს, უფრო მეტი რა თქმა უნდა დაცემა იყო. 2010 წელს რებუთი გამოვიდა, მიუხედავად იმისა რომ პროდიუსერი მაიკლ ბეი გახლდათ, ფრედი კრიუგერის როლი კი ჯეკი ერლი ჰერლიმ შეასრულა ფილმი წარუმატებელი აღმოჩნდა. წელს ფრედი კრიუგერს კიდევ ერთ შანსს მისცემენ, ჭორებს თუ დავუჯერებთ ახალ ჰორორში ორიგინალი ფილმის ვარსკვლავი რობერტ ენგლუნდიც გამოჩნდება.
ცოფიანი
დევიდ კრონენბერგის გრძელი ფილმოგრაფიის ნაკლებად ცნობილი ნამუშევრით დები სოსკები დაინტერესდნენ. სწორედ ამ ფილმმა იმოქმედა კანადელი რეჟისორების შემოქმედებაზე. ისინი არა კლასიკურ რიმეიქს არამედ სურათის გადააზრებას გვთავაზობენ.
ამერიკელი მაქცია ლონდონში
ჯონ ლანდისის ჰორორ-კომედიამ მრავალ კინემატოგრაფისტს აჩვენა თუ როგორ უნდა შეაზავო გემოვნებით სასაცილო და საშიში. ამერიკელი მაქცია ლონდონშის რიმეიქზე ლენდისის შვილი მაქსი იმუშავებს.
ქენდიმენი
კლაივ ბარკერის რომანის ეკრანიზაცია 1992 წელს გამოვიდა. სიუჟეტის ცენტრში ზებუნებრივი ძალების მქონე სერიული მკვლელია. სურათმა თავს უშველემდე 15 წლით ადრე ჟანრში რასობრივი აქცენტები შემოიტანა, ალბათ ამიტომ საკულტო ჰორორის რიმეიქის პროდიუსირებით ჯორდან პილი დაინტერესდა.
საბავშვო თამაში
სლეშერი საბავშვო თამაში სხვა ჰორორების მსგავსად დიდ ფრენჩაიზად გარდაიქმნა, თუმცა დროსთან ერთად ავთენტურობა დაკარგა, ბოლო ნაწილებში კი პირველადი ფილმისგან მხოლოდ პაროდია დარჩა. ძველი დადების დაბრუნებას დაბალბიუჯეტიანი ჰორორების ავტორი ლარს კლევბერგი გვპირდება. გარდა ამისა ახლო მომავალში სატელევიზიო რიმეიქსაც ვიხილავთ, რომელშიც მკვლელ-თოჯინას მარკ ჰამილი ახმოვანებს.
