დღესდღეობით, როდესაც სატელევიზიო შოუები პოპულარობის პიკზე იმყოფება, პერსონაჟებიც უფრო თამამები გახდნენ და მაყურებელს ჯერ არნახულ ინტიმურ სცენებს სთავაზობენ. წარმოგიდგენთ 10 საუკეთესო სექსის სცენას ტელესერიალებიდან:
1. სამეფო კარის თამაშები
GOT ვნებიანი სცენების სიმრავლით ნამდვილად გამოირჩევა, თუმცა არც ერთი არ არის ისეთი ინტიმური, როგორც ჯონ სნოუსა და იგრიტის პირველი სექსი მღვიმეში. მით უმეტეს, იმ მოცემულობაში, როდესაც ჯონს ვაჟიშვილობის აღქმა აქვს დადებული, იგრიტს კი მისი შეცდენა სურს და, როგორც ხედავთ, ამას წარმატებით ახერხებს.
2. ამერიკელი ღმერთები
სექსუალური სცენების ნაკლებობას არც ამერიკელი ღმერთები განიცდის, თუმცა ეს კონკრეტული ეპიზოდი, სადაც შუა აღმოსავლეთელი კაცი, სახელად სალიმი ვნებიანი სექსით კავდება ტაქსის მძღოლთან, რომელიც ღმერთი აღმოჩნდება, ნამდვილად განსაკუთრებულია. სცენას განსაკუთრებულ სიმძაფრეს ჰმატებს სწორედ ის ფაქტი, რომ ქვეყანა, საიდანაც სალიმი მოდის მკაცრად კრძალავს ჰომოსექსუალურ ურთიერთობებს და ის, ვისაც ამაში გამოიჭერენ, სიცოცხლეს სახურავიდან გადმოგდებით ასრულებს.
3. შეშლილები
მეგანის მიერ დონის დაბადების დღეზე შესრულებული ფრანგული სიმღერა წინ უსწრებს წყვილის ვნებიან სექსს ჩხუბის თანხლებით, რაც, როგორც აღმოჩნდება, მათთვის ერთგვარი თამაშის სახეობაა, რმლითაც თავიანთ ურთიერთობას დამატებით ინტრიგას სძენენ.
4. უცხოელი
თითქმის შეუძლებელია ამოარჩიო მხოლოდ ერთი საუკეთესო სცენა უცხოელიდან, თუმცა ჯეიმისა და კლერის პირველი, მგრძნობიარე და ნაზი სექსი, ნამდვილად ამაღელვებელია. ამ შემთხვევაშიც, ისევე როგორც GOT-ში, ინიციატივას საკუთარ თავზე ქალი იღებს და სექსუალურად გამოუცდელ ვაჟიშვილს ახალ გამოცდილებას სძენს.
5. ახლა სტაფილოსფერია ყველაზე მოდური
ალექსისა და ფაიფერის სცენები შოუში ყოველთვის გამორჩეულია. მათ შორის ნამდვილი ქიმია იგრძნობა მაშინაც კი, როდესაც ალექსის მეგობარი გოგონა სახლში მოსალოდნელზე ადრე ბრუნდება და წყვილს დაწყებული საქმის ბოლომდე მიყვანას არ აცდის.
6. ნამდვილი დეტექტივი
მოღალატე ქმრის გამო შურისძიების სურვილით შეპყრობილი მეგი რასტს მიაშურებს და მასთან ვნებიანი სექსით დაკავდება, თუმცა ჯერ კიდევ პროცესში გააანალიზებს, რომ ის რაც ჩაიდინა არც ისე სწორი საქციელია, რასტი კი მიხვდება, რომ ის უბრალოდ თამაშის ნაწილი იყო.
7. დაკარგულები
შესაძლოა, სოირისა და ქეითის ინტიმური სცენა არც ისე ძლიერი იყო, თუმცა მაყურებელი იმდენ ხანს ელოდა ამ წყვილს შორის გაჩენილი ქიმიის ლოგიკურ დასასრულს, რომ ეს მომენტი ნამდვილად ერთ-ერთი ყველაზე დასამახსოვრებელი აღმოჩნდა.
8. სამშობლო
ერთი შეხედვით, კერისა და ბროდის ურთიერთობა ნამდვილად დიდი შეცდომაა, თუმცა სამშობლოს ამ ორ პერსონაჟს შორის გაჩენილი ვნება თუ გრძნობა იმდენად დიდი და თვალსაჩინოა, რომ მაყურებელი უნებლიედ მაინც მათი გულშემატკივარი ხდება.
9. მერვე გრძნობა
ალბათ, მხოლოდ ამ სერიალს შეეძლო ასე ესთეტიურად მოეტანა მაყურებლამდე იმ ადამიანების ორგია, რომლებიც უხილავი ძაფებით არიან დაკავშირებულნი. სწორედ ასეთი სცენა, სადაც გეი მამაკაცი, ლესბოსელი ქალი და ორი ჰეტეროსექსუალი ერთმანეთთან სექსით მსოფლიოს სხვადასხვა წერტილებიდან კავდებიან.
10. შენ ყველაზე ცუდი ხარ
ორი აუტანელი ადამიანი, რომლებიც ქორწილში არასასურველი სტუმრები აღმოჩნდნენ, საღამოს მოულოდნელი და ძალიან ვნებიანი სექსით ასრულებენ, რომელიც იმდენად სასიამოვნო აღმოჩნდება, რომ ერთი ღამის ურთიერთობას გასცდება და წყვილს ერთმანეთის პარტნიორებად აქცევს.
