მართალია, სერიალებისგან განსხვავებით ფილმებს იშვიათად აქვთ სპეციალურად შექმნილი გამხსნელი თემები ანუ ინტროები, მაგრამ ნებისმიერი მინიმუმ ერთი დაუვიწყარ დასაწყისს მაინც დაასახელებს. კინოს დასაწყის მომენტები შეიძლება იყოს თემატურად ან კინემატოგრაფიულად გამორჩეული, საეტაპო ან ძლიერ ფსიქოლოგიურ ზემოქმედებას ახდენდეს მაყურებელზე, იმდენად, რომ კინოფილმის ხსენებისას პირველად დასაწყისი დაგვიდგეს თვალწინ.
დღეს სწორედ ასეთ შესანიშნავ მომენტებს გავიხსენებთ. უყურეთ კინოს ისტორიაში 20 გამორჩეულ დასაწყისს (ნუმერაცია პირობითია) და ისიამოვნეთ.
20. ტერმინატორი 2: განკითხვის დღე
ჯეიმს კამერონის დაუვიწყარი შედევრის მეორე ნაწილი, რომლის დასაწყისი პოსტაპოკალოფტურ მომავალს წარმოგვიდგენს, სულ ორ წუთნახევარს გრძელდება, მაგრამ დიდ შთაბეჭდილებას ახდენს და ფილმის ბოლომდე ცქერას გაიძულებს.
19. მატრიცა
მარტიცას ბევრი კინოისტორიაში საუკეთესო მძაფრსიუჟეტიან საი-ფაიდ მიიჩნევს, მიუხედავად იმისა, რომ მისმა სიქველებმა არ გაამართლა. მაგრამ პირველი ფილმის დასაწყისი, ქერი-ენ მოსის (და მატრიცას პროგრამის ინტერფეისის) მონაწილეობით, მილენიუმის ზღვარზე ნამდვილი გადატრიალება იყო.
18. ლურჯი ხავერდი
ერთ-ერთი მნიშვნელოვანი რამ, რაც დევიდ ლინჩის ფილმებს გამოარჩევს, ესაა მკვეთრად დასამახსოვრებელი ვიზუალი. 1986 წლის ლურჯი ხავერდის დასაწყისი სცენა კი მართლაც გამორჩეულია. გარეუბნის ცხოვრება, მკვეთრი ტონალური დისონანსები და განწყობა მაშინვე იქცევს მაყურებლის ყურადღებას.
17. მეფე ლომი
იშვიათად, რომ ანიმაციური ფილმის დასაწყისი მხატვრულად მეფე ლომივით დახვეწილი იყოს. აფრიკის ხედებისა და ცხოველების უმშვენიერეს კადრებს ჰანს ციმერისა და ელტონ ჯონის აფრიკულ ფოლკლორზე დაფუძნებული საუნდტრეკი ერთვის, რაც ვიზუალურ და ხმოვან მშვენიერებას ქმნის. მისი გულგრილად ცქერა და დავიწყება უბრალოდ შეუძლებელია.
16. კივილი
ვეს კრავენის სატირული თრილერის საწყისი სცენის ციტატებს ფანები დღემდე საკულტოდ მიიჩნევენ. დრიუ ბერიმორის პერსონაჟს, რომელზეც ყველა ფიქრობს, რომ მთავარია, დასაწყისშივე კლავს სერიული მკვლელი და ყველა ხვდება, რომ ამ ფილმში ყველაფერი წესების წინააღმდეგ წავა.
15. მაღლა
კიდევ ერთი ანიმაცია დაუვიწყარი და ცრემლებამდე ემოციური სცენით – ეს მაღლაა. კარლისა და ელის გაცნობის, ქორწინებისა და ხუთ წუთში ჩატეული ცხოვრების გზის ამსახველი ინტრო, ლამაზი და ნოსტალგიური მუსიკით იდეალური ნიმუშია იმისა, თუ მცირე მონაკვეთში უსიტყვოდ როგორ უნდა ჩაატიო მთელი ცხოვრება თავისი პატარა ბედნიერებებით, იმედგაცრუებებით, ურთიერთსიყვარულითა და თანადგომით, დანაკარგითა და ნოსტალგიით.
