საკულტო ფილმები, რომლებმაც მწარმოებელი კინოსტუდიები აზარალა

კინოინდუსტრია მე-20 საუკუნის დასაწყისიდან საკმაოდ მომგებიანი ბიზნესი გახდა. მიმდინარე ეტაპზე ისეთი გიგანტები, როგორიც არის „დისნეი“, ყოველწლიურად მილიარდებს შოულობენ, მაგალითად, მხოლოდ 2019 წელს, კორპორაციის მიერ გადაღებული სურათების ჯამურმა შემოსავალმა 20 მილიარდ აშშ დოლარს გადააჭარბა, თუმცა ფილმებზე, რომელსეც ახლა ვისაუბრებთ, რთული წარმოსადგენია, რომ თავის დროზე ისინი ფინანსურად წარუმატებელ პროექტებად ჩაითვალა.

წარმოგიდგენთ, ცნობილ და საკულტო ფილმებს, რომლებმაც ფინანსურად აზარალეს მწარმოებელი სტუდიები.

The Shawshank Redemption

ბიუჯეტი – 25 000 000 $
შემოსავალი – 28 428 150 $

როდესაც ვსაუბრობთ ამ ფილმზე, რთული წარმოსადგენია, რომ ეს საკულტო კლასიკა თავის დროზე წარუმატებელ პროექტად ჩაითვალა, თუმცა ეს სიმართლეა. დღემდე „გაქცევა შოუშენკიდან“ რჩება ფინანსურად ერთ-ერთ წარუმატებელ სურათად.

Blade Runner

ბიუჯეტი – 28 000 000
შემოსავალი – 39 342 912

რიდლი სკოტის ცნობილი სამეცნიერო ფანტასტიკა, ფილმი, რომლის პრემიერაც ჯერ კიდევ 1982 წელს შედგა. დღეს სურათი კლასიკად ითვლება, თუმცა გამოშვების თარიღში იგი ფინანსურად ჩავარდა.

Willy Wonka & The Chocolate Factory

ბიუჯეტი – 3 000 000 $
შემოსავალი – 4 000 000 $

ამერიკული მიუზიკლი დღეს საოჯახო კლასიკად ითვლება, რომელმაც თავის დროზე კინოგაქირავებაში მხოლოდ ერთი მილიონი აშშ დოლარის მოგროვება შეძლო.

Fight Club

ბიუჯეტი – 63 000 000 $
შემოსავალი – 101 187 503 $

საკმაოდ დაუჯერებელია, რომ მებრძოლთა კლუბმა ამ ნუსხაში მოხვედრა მოახერხა, რადგან არავის წარმოუდგენია, რომ სგავსი ტიპის ცნობილ და საკულტო ფილმს შესაძლოა ფინანსური პრობლემები ჰქონოდა. რა თქმა უნდა ფილმმა საკუთარი წარმოების ხარჯები საბოლოოდ დაფარა, თუმცა მოლოდინები შემოსავლების კუთხით გაცილებით მეტი იყო.

Donnie Darko

ბიუჯეტი – 6 000 000 $
შემოსავალი – 3 000 000 $

ფილმი, რომელსაც ძალიან კარგი სამსახიობო გუნდი ჰყავს და ამასთან ერთად არის რიჩარდ კელის სადებიუტო სურათი, 2001 წელს ფინანსურად ჩავარდა, რადგან მისი ჩვენება კინოთეატრებში მხოლო 28 დღის განმავლობაში ხორციელდებოდა. ასევე, ფილმის წარუმატებლობას 9/11 უკავშირებენ და იმ ფაქტს, რომ ფილმშიც თვითმფრინავი ავიაკატასტროფაში ყვება.

The Man From U.N.C.L.E.

ბიუჯეტი – 75 000 000 $
შემოსავალი – 107 000 000 $

გაი რიჩის 2015 წლის შპიონური სტილის ფილმში მონაწილეობას იღებენ ჰოლუვუდის ვარსკვლავები, ჰენრი კევილი, არმიერ ჰამერი და ჰიუ გრანტი. ფილმი საკმაოდ საინტერესო და სახალისო საყურებელია, თუმცა თუ Hollywood Reporter-ს დავუჯერებთ, ფილმმა სტუდია დაახლოებით 80 000 000 $ აზარალა.