ანიმატორები ნამდვილად სასაცილო ხალხია, რომლებსაც თავიანთ შემოქმედებაში ხუმრობების მიმალვა უყვართ. სწორედ ამიტომ, ფილმის ყურებისას ხშირად მშობლები იმ სასაცილო ან უხამს მომენტებს აღმოაჩენენ ხოლმე, რომლებსაც მათი შვილები ვერასდროს შეამჩნევენ.
მოდი, ერთად გადავხედოთ ისეთ სახალისო მომენტებს საბავშვო ფილმებიდან, რომლებიც უფროსებს უხერხულად აგრძნობინებს თავს.
კონკია
ამ სცენაში კონკიას მეგობარი თაგუნები მარგალიტის მძივს ასეთი ორიგინალური ხერხით იპარავენ. თუმცა უფროსები მხოლოდ ამას არ ხედავენ.
დიდი გამყინვარება
ბავშვები ცხოველების კამათზე გაიცინებენ, მაგრამ მშობლები მიმალულ ქვეტექსტს მშვენივრად ამოიკითხავენ.
სპანჯბობი – კვადრატული შარვალი
სპანჯბობი სქუიდვარდის სკულპტურას აკეთებს ბუშტებით… ბუშტებით?
მანქანები
მანქანების სამყარო უამრავი, ადამიანის საქმიანობისა და გარეგნობის მსგავსი მანქანებითაა დასახლებული, რომელთაც საკუთარი პიროვნება და ხასიათი გააჩნიათ. აი, მაგალითად, რას იფიქრებდით მანქანაზე, რომელსაც სანომრის ადგილზე მომხიბლავი საჯდომი აწერია?
Rugrats (პაწაწინა ონავრები)
მულტფილმის ერთ ეპიზოდში ბაბუა ლუ ბავშვებს დინოზავრებზე ფილმების კასეტებს ქირაობს და კიდევ ერთ, თავის ფავორიტ ფილმს (სახელად “მარტოსული კოსმოსური მელაკუდები”), რომლის ყურებასაც ბავშვების დაძინების შემდეგ აპირებს. “რატომ უნდა უყუროს კინოს ბაბუამ მარტო?” – ალბათ ბევრ ბავშვს უკითხავს მშობლებისთვის, მათ კი ეს კითხვა ბანზე აუგდიათ.
შრეკი 4
შრეკის მეოთხე ნაწილში ფიონა ნამდვილ ორკ მეომარს ემსგავსება, შრეკის მეგობარი ვიცი კი ირონიულად აღნიშნავს, რომ ხედავს, ვისაც აცვია ოჯახში აბჯარი. ეს იერარქიული ხუმრობა ნიშნავს, რომ ოჯახის მმართველი ქალია და კაცს თავის ნებაზე ათამაშებს.
იმპერატორის თავგადასავლები
ფილმის პერსონაჟი უმცირესი ზომის კარავს შლის, რაც ბავშვებს უკვირთ – ნუთუ არ შეუძლია იქვე მდგომ დიდ კარავში დაიძინოს. დისნეის ანიმატორებმა ხუმრობით მიანიშნეს, მამაკაცის სხეულის რომელ ერთადერთ ნაწილს სჭირდება დაფარვა.
ალადინი
ფილმის დასაწყისში ალადინი, რომელიც ქალაქის დაცვას უახლოეს სახლში ემალება, სამი მშვენიერი ქალის გარემოცვაში აღმოჩნდება. ამ დროს გამოჩნდება ზედამხედველი ქალი, რომელიც ბიჭს მკაცრად აფრთხილებს, რომ ნებისმიერი სერვისისთვის უნდა გადაიხადოს, ის კი ღარიბ-ღატაკია. რა სერვისი იგულისხმება, დიდებისთვის ცხადია.
როკოს თანამედროვე ცხოვრება
ამ ანიმაციაში აშკარა სექსუალური მესიჯია. სცენაში, როცა როკო ახალ სამსახურს შოულობს, კედელზე გაკრული განცხადების ფურცელი – “იყავი ცეცხლოვანი, საძაგელი და თავაზიანი” – მიგვანიშნებს, რა ტიპის სატელეფონო სერვისზე დაიწყო მან მუშაობა.
კეთილი დინოზავრი
კეთილი დინოზავრის პერსონაჟები დამპალ კენკრას ჭამენ, რის შედეგადაც ფსიქოდელიური ეიფორია ეწყებათ. ამ სახალისო სცენით ბავშვებიც და უფროსებიც გვარიანად ერთობიან, თუმცა პატარები ნამდვილად ვერ მიხვდებიან, რომ პერსონაჟები უბრალოდ კაიფში არიან.
პინოქიო
სიამოვნებათა კუნძულზე პინოქიო სიგარას აბოლებს. ბავშვებს ეცინებათ ნაფაზის დარტყმის შემდეგ პინოქიოს გამწვანებულ სახეზე, უფროსები კი ძვირფას სიგარას თვითონაც ნატრობენ და ხვდებიან, რატომ ეძხიან იმ ადგილს “სიამოვნებათა კუნძულს”.
სათამაშოების ისტორია 3
ამ ანიმაციაში, როცა ქალბატონი კარტოფილის ტუჩებს იპარავენ, მისი ქმარი საკუთარი პირით ასრულებს უხამს მოძრაობას, გვერდით ეკრანზე კი “ჰა-ჰა-ჰა” იწერება. უმანკო ბავშები, ცხადია, ამ მომენტს ვერ შეამჩნევენ.
ტიმონი და პუმბა
ერთ-ერთ ეპიზოდში ქალბატონი ვეფხვი მთავარ გმირებს საკუთარი შვილების ფოტოებს უჩვენებს. მათი რაოდენობით გაოცებული პუმბა კი ამბობს: “ვაუ, ჩანს დაკავებული იყავით”, რაზეც ვეფხვი მიუგებს: “მგონი ერთ რამეში მაგარი ვარ.
დექსტერის ლაბორატორია
მულტსერიალში გენიოსი ბიჭუნას შესახებ ერთ-ერთ სცენაში დექსტერი მეზობელი გოგონას საჯდომზე წარწერას – “მამიკოს ნადავლი” ხედავს. ვერაფერს იტყვი, ნამდვილად სასაცილო ეროტიკული მინიშნებაა.
საზიზღარი მე 2
გრუსა და შენონის პაემნის სცენა მთლიანად შეფარული ხუმრობებითაა სავსე, როგორც მოიქცეოდნენ დიდები, თუ პაემანზე ბავშვებთან ერთად მოუწევდათ ყოფნა.
