ქართულ მედიაში საკმაოდ გავრცელებული კითხვა – “რაიმე კურიოზს ხომ ვერ გაიხსენებდით”, როგორც ჩანს, უცხო თემა არც ჰოლივუდისთვის არის. შესაძლოა, ეს ისტორიები მსახიობების მემუარებში არ მოხვდეს, თუმცა ისინი ღიმილით გვიყვებიან იმ სასაცილო შემთხვევებს, რომლებიც მათ თავს გადახდათ:
1. ენტონი ჰოპკინსი
ერთხელ სასტუმროს ლიფტში ქალბატონთან და მის ვაჟთან ერთად შევედი. მათგან ზურგით ვიდექი და ქალაქს გადავყურებდი, როდესაც ბიჭუნამ აღნიშნა, რომ ლიფტი ჰანიბალ ლექტერის საკანს გავდა. მოულოდნელობისაგან შემოვტრიალდი, ქალმა შეჰკივლა, ბიჭუნასაც ძალიან შეეშინდა. ალბათ, ჩემი იქ ყოფნით მათ დიდი ტრავმა მივაყენე.
2. ჩარლი შინი
ეს ისტორია წლების წინ შემემთხვა, როდესაც ჩემს ყოფილ ცოლთან, ბრუკთან ერთად სადღესასწაულო ვახშამზე მიმიწვიეს. ერთ-ერთ მომენტში შევამჩნიე, რომ ტრამპი ჩემს საათს უყურებდა, ცოტა ხანში კი მითხრა, რომ მისი და მელანიას სახელით სურდა ჩემთვის საქორწინო საჩუქარი გადმოეცა. მან მაშინვე შეიხსნა საკუთარი Harry Winston-ის საკინძეები და აღნიშნა, რომ ისინი პლატინისა და ბრილიანტისაგან იყო დამზადებული.
რამდენიმე წლის შემდეგ, საჩუქარი იუველირს შევაფასებინე და აღმოვაჩინე, რომ სინამდვილეში ის საკმაოდ იაფასიანი ცირკონისაგან იყო დამზადებული და, რაც მთავარია, ზედ ჰქონდა გრავირება წარწერით – “ტრამპი”
3. ედი რედმეინი
ედი მონაწილეობას იღებდა ვარსკვლავური ომების სინჯებზე. ასეთი ფილმების სცენარი კი, როგორც წესი, მკაცრად არის გასაიდუმლოებული. შესაბამისად, კასტინგზე მსახიობებს სულ სხვა ნაწარმოებებიდან აძლევენ ნაწყვეტს წასაკითხად და დაახლოებით ეუბნებიან, თუ ვინ უნდა განასახიერონ. ასე მოხდა ედის შემთხვევაშიც – მას გაუმხილეს, რომ უარყოფითი პერსონაჟი უნდა ეთამაშა, რის შემდეგაც მან დართ ვეიდერის სუნთქვა დაახლოებით 10 სხვადასხვა ფორმით წარმოადგინა.
4. რაიან რეინოლდსი
მსახიობს საკმაოდ სერიოზული საუბარი დასჭირდა თავის შვილთან, რათა გოგონას მისთვის დედა აღარ დაეძახა.
5. ბენ აფლეკი
როდესაც ბენის დედა ოსკარების დაჯილდოების ცერემონიალზე პირველად დაპატიჟეს, მან საგულდაგულოდ ჩამოუარა და სურათი გადაიღო ყველა სავარძელთან, რომლებზეც ცნობილი მსახიობების სახელები იყო ამოტვიფრული. როგორც შემდეგში ბენი ყვებოდა, მას ძალიან სურდა დედისთვის ეკითხა, ხომ ნამდვილად იცოდა, რომ ეს ცარიელი ადგილი, მაგალითად, ჯეკ ნიკოლსონი სულაც არ იყო…
6. ამანდა სეიფრედი
მსახიობმა პარიზში პონის ფიტული შეიძინა, მას ანტუანი დაარქვა და ამერიკაში, საკუთარ სახლში წაიღო. მოგვიანებით კი თავისი უცნაური საქციელი იმით ახსნა, რომ მკვდარი ცხოველების მოვლა გაცილებით უფრო მარტივია!
7. ემა უოტსონი
პატარა ემა იმდენად მონდომებული იყო, რომ ჰარი პოტერის პირველი სერიის გადაღების დროს ყოველთვის რამდენიმე დუბლის ჩაწერა სჭირდებოდა, რადგან ის საკუთარის გარდა სხვა მსახიობების ტექსტებსაც იზეპირებდა და მათი წარმოთქმისაგან თავს ვერ იკავებდა.
8. რაიან გოსლინგი
ტორონტოში ერთი პატარა კაფის მფლობელი მსახიობის დიდი თაყვანისმცემელია და როდესაც შეიტყო, რომ რაიანი სულ მალე მის ქალაქს, კინოფესტივალზე დასასწრებად ეწვეოდა, მის პატივსაცემად მთელი კამპანია წამოიწყო. მან კაფეში რაიანის ფოტოსტენდი დადგა, რომელთან სურათის გადაღებაც ნებისმიერ სტუმარს შეეძლო – სწორედ ასე გავრცელდა სოციალურ ქსელში ეს ისტორია, რომელმაც შედეგი გამოიღო და ერთ დღესაც კაფეს რეალური რაიანი ესტუმრა!
9. დრიუ ბერიმორი
დრიუს ქალიშვილმა, ოლივმა, ნამდვილი ისტერიკა მოაწყო დისნეილენდში, რადგან მას იხვზე ნადირობა სურდა და სულ არ აინტერესებდა, რომ ის სინამდვილეში დისნეის გადაცმული მსახიობი იყო.
10. ბენედიქტ კამბერბეტჩი
ერთ-ერთი თაყვანისმცემელი იხსენებს, რომ ქუჩაში შემთხვევით შეეჩეხა ბენედიქტს და ჰკითხა, თუ როდის გამოვიდოდა შერლოკის მორიგი სეზონი.
“მალე” – უპასუხა მსახიობმა.
“მანამ, სანამ მოვკვდები?”
პასუხად ბენედიქტმა ჩაიღიმა…
