მაშ ასე: ზამთარი დადგა და ჩვენ, როგორც ჭეშმარიტ ზაფხულის შვილებს, არ უნდა დაგვავიწყდეს რამდენიმე მნიშვნელოვანი ფაქტი, რომლებიც წინა სეზონიდან ცხადი გახდა:
- თანამოძმეებისგან კეისარივით აჩეხილი ჯონ სნოუ წითელმა ჯადოქარმა მელისანდრემ მკვდრეთით აღადგინა, გარდა ამისა, გაირკვა, რომ ის რეიგარ ტარგარიენისა და ლიანა სტარკის შვილია.
- მეფის საბიჯელის (King’s Landing) დიდი ნაწილი დედოფალ სერსეის ბრძანებით გაჩენილმა ველურმა ცეცხლმა შეიწირა.
- დენერის ტარგარიენი უზარმაზარი ფლოტით ვესტეროსისკენ დაიძრა.
- არიამ და სანსამ მოახერხეს და მრავალ მოსისხლე მტერთაგან ორზე (არიამ ვოლდერ ფრეიზე და სანსამ რამსეი ბოლტონზე) სასტიკად იძიეს შური.
- ბრანი სამთვალა ყორანია, ანუ მომავლის და წარსულის ჭვრეტის უნარი აქვს. გარდა ამისა, ღამის მეფემ საკუთარი ნიშნით აღბეჭდა.
- ღამის დარაჯი სემუელ ტარლი ციტადელში სასწავლებლად წავიდა.
- ტირიონ ლანისტერმა დრაკონების დაშოშმინება შეძლო.
- სტარკების მგელსაზარებიდან მხოლოდ ორი გადარჩა: ჯონ სნოუს ლანდი და არიას ნიმერია.
- ჯეიმი ლანისტერმა დაიფიცა, რომ ტირიონს მოკლავს.
- თეთრი მავალების (White Walkers) დახოცვა მხოლოდ ვალირიული ფოლადითა და დრაკონის შუშით არის შესაძლებელი.
პირველი სერიის ნახვა უკვე შეგიძლიათ Adjaranet.com-ზე.
