მიხეილ ჭიაურელის ლეგენდარული რაც გინახავს ვეღარ ნახავ 1965 წელს გამოვიდა, მაგრამ ის დღემდე ერთ-ერთი პოპულარული ქართული ფილმია. ავქსენტი ცაგარელის ამავე სახელწოდების პიესის მიხედვით გადაღებული ფილმის მოქმედება მე-19 საუკუნის თბილისსა და მის შემოგარენში ვითარდება და მოგვითხრობს ახალგაზრდა წყვილზე, რომლებიც დაქორწინებას აპირებენ, მაგრამ სოფლის გაღარიბებული თავადი საპატარძლოს ძალით წაიყვანს მოახლედ. ფილმი სავსეა შესანიშნავი სამსახიობო ანსაბლის მიერ განსახიერებული კოლორიტული პერსონაჟებით, რომელთა გამონათქვამებიც ქართველ მაყურებელს კარგად ახსოვს. დღეს სწორედ მათ გავიხსენებთ.
1. “პაპიი, მიყიდე წითელი წკაპუნები.”
2. “ბიჭი ვნახე… ისეთი თვალები ჰქონდა, როგორიც აი იმ ჩვენ ვირსა.”
3. “ყავაო?.. გაწყდა მაგათი ქოქი. დღე და ღამე სკდებიან ამ ყავით.”
4. “დაუკარით იმის დედა ვატირე, უპატარძლო ქორწილია.”
5. “ექიმბაში? არა, უსტაბაში!”
6. “გადი რა, ძაღლი ვარ?.. ყარაჩოღელი გიჟუა გაგიგონია? ხომ არ გინდა, ბიჭიან-ბატონიანად ანდერძი აგიგო?”
7. “მაშ შენ კაცი ხარ? ახ ტი გალანდსკი პეტუხ!”
8. “ჰოო, გეკუთვნით, გეკუთვნით… მაგრამ არ გეკუთვნით.”
9. “გოგო, ხელის გულზე გატარებ… ჩაგსვამ ფაეტონში, და ის შენი მეჯღანე რომ დაგინახავს და ცინგლები რომ წამოუვა…”
10. “კნიაააზ – რაც გინახავს, ვეღარ ნახავ!”
