არსებობს ერთი ნიჭიერი არტისტი, ჯეიმი ჰენიგანი, რომელიც წიგნების ფურცლებისგან უჩვეულო და ძალიან ლამაზ ნაგებობებს აკეთებს. თანაც, იმ თემატიკის შენობებს ქმნის, რა შინაარსისაც წიგნია.
და აი, ამ უნიჭიერესმა ხელოვანმა გადაწყვიტა, უპოპულარულესი სერიის სამყარო გაეცოცხლებინა და სამეფო კარის თამაშების ცნობილი ნაგებობები შეექმნა — ისეთივე სახით, როგორც სერიალის ინტროში მოჩანს. თითოეული ნაგებობის დამზადებას 10-დან 20 საათამდე დასჭირდა. სკულპტურათა სერია ჯერ არ დასრულებულა. არტისტი ამჟამად დორნზე მუშაობს და რამდენიმე ნაგებობის დამზადებას კიდევ გეგმავს.
მეტი ინფორმაციისთვის და ნაგებობების დამზადების ეტაპებისთვის იხილეთ არტისტის ვებგვერდი. (აქვე დავძენთ, რომ მის მრავალრიცხოვან ნამუშევრებს ჰარი პოტერისა და შიმშილის თამაშების თემატიკის ფიგურებიც ამშვენებს)
მაშ ასე, უკვე მონატრებული შვიდი სამეფოს და მისი შემოგარენის დიდებული ნაგებობები ამჯერად წიგნის ფურცლებზე:
1. King’s Landing. დამზადებული “ყვავების ნადიმის” ფურცლებისგან
2. ვინტერფელი. დამზადებული “მეფეთა ჯახის” ფურცლებისგან
3. რკინის ტახტი. დამზადებული “სატახტოთა თამაშების” ფურცლებისგან
4. პაიკი და რკინის კუნძულები. დამზადებული “ყვავების ნადიმის” ფურცლებისგან
5. მირინი. დამზადებული “ცეკვა დრაკონებთან”-ის ფურცლებისგან
6. კედელი და ციხეშავი. “ხმლების გრიგალის” ფურცლებისგან
