10. ჯონ სმიტი (პოკაჰონტასი)
შესანიშნავი აღნაგობის მიუხედავად, ჯონ სმიტი არც ისე დადებითი პერსონაჟია – ის იმ ადამიანთან ჯგუფს მიეკუთვნება, რომლებიც ამერიკის უძველესი მკვიდრების გასაძევებლად იბრძვიან. სწორედ მათ შორისაა მისი საყვარელი პოკაჰონტასიც…
9. პრინცი (ფიფქია და შვიდი ჯუჯა)
ფიფქიას პრინცი იმდენად მოსაწყენია, რომ მას სახელიც კი არ აქვს. სიმპათიურია, თუმცა არც იმდენად, რომ სიის სათავეში მოქცეულიყო. თანაც რა უცნაურია, რომ მისი ტუჩებიც ისეთივე სისხლისფერია, როგორც ფიფქიასი – იქნებ, ერთნაირ ვარცხნილობაში ისინი იდენტური ტყუპებიც კი აღმოჩენილიყვნენ,
8. მომხიბვლელი პრინცი (კონკია)
კიდევ ერთი ზოგადი, უსახელო პრინცი, რომელიც ფიფქიასას მხოლოდ რუჯითა და თავისი უცნაური, თუმცა საინტერესო სამხრეებით თუ აჯობებს.
7. პრინცი ფილიპი (მძინარე მზეთუნახავი)
ძველი თაობის პრინცებში მძინარე მზეთუნახავის ფილიპი ნამდვილად ჩვენი ფავორიტია. მართალია, ფიფქიას პრინცივით მასაც უგონო მდგომარეობაში მყოფი გოგონას კოცნა უწევს, თუმცა სხვა მხრივ ვერაფერს დავუწუნებთ – ძალიან საყვარელია და სიმღერის გარდა სხვა თვისებების გამოვლენაც ეხერხება.
6. ლი შანგი (მულანი)
ლი შანგი ნამდვილად გამოირჩევა თავისი გარეგნობით, თუმცა, ჩვენი აზრით, ზედმეტად დაკუნთულია… და კიდევ, ცოტათი შოვინისტიც: “მე შენგან ნამდვილ კაცს დავაყენებ!”- უკაცრავად, ეს რა გამონათქვამია ?!
5. პრინცი ადამი (მზეთუნახავი და ურჩხული)
ადამს ნამდვილად ჰქონდა შანსი ამ სიის სათავეში ყოფილიყო, თუმცა სამწუხაროდ ანიმაციაში მისი რეალური სახე ძალიან მინიმალურადაა წარმოჩენილი – ბეწვით დაფარული უხეში არსება კი, დაგვეთანხმებით, არც ისე მიმზიდველია.
4. ფლინ რაიდერი (რაპუნცელი)
თმა და წარბები – ეს უდაოდ ფლინის კოზირია! თუმცა არ დაგვავიწყდეს, რომ ის სინამდვილეში ქურდია, რაც საუკეთესო სამეულში შესვლაში ხელს აუცილებლად შეუშლის.
3. პრინცი ნავენი (პრინცესა და ბაყაყი)
მართალია, ფილმის უმეტეს ნაწილს ისიც ცხოველის, კერძოდ კი ბაყაყის როლში ატარებს, თუმცა მას შემდეგ რაც ნავენის რეალურ სახეს ვიხილავთ, რთულია არ მოვიხიბლოთ მისი საინტერესო აქცენტითა და სიმღერის შეუდარებელი ნიჭით.
2. პრინცი ერიკი (პატარა ქალთევზა)
დიდი, ლურჯი თვალები, მუქი შავი თმა და გამომხატველი წარბები – ვფიქრობთ, ეს ჩამონათვალი სრულიად საკმარისია ნებისმიერი ჩვენგანის მოსახიბლად. მით უმეტეს, რომ ის ძალიან საყვარელი და რომანტიკულია და თან ძაღლებიც უყვარს.
1. პრინცი ალი (ალადინი)
პრინცი ალი გარეგნულად ერიკს ძალიან ჰგავს, თუმცა ჩვენთვის მისი პერსონაჟი უფრო მეტად გახსნილი და საინტერესოა – ერთი შეხედვით ხელმოცარული ბიჭი, რომელიც ცდილობს, რომ საკუთარი ცხოვრება სწორი გზით წაიყვანოს. განსაკუთრებით მატერიალისტებისათვის კი იმასაც დავამატებთ, რომ პრინც ალის თან შესანიშნავი მფრინავი ხალიჩა მოჰყვება.
