დისნეის ანიმაციები, რომელთა სიქველებსაც სიამოვნებით ვნახავდით

დისნეის ფილმები ბავშვობიდან მოყოლებული, ჩვენი ცხოვრების განუყოფელი ნაწილია და მისი გმირების ისტორიას ლამის საკუთარივით განვიცდით. მაგრამ რაც მთავარია, მათი უმეტესობა ისე სრულდება, რომ უამრავ უპასუხო კითხვას გვიტოვებს, ამიტომ ჩვენ სიამოვნებით ვნახავდით ამ ფილმის სიქველებს.

სიქველები დისნეისთვის უცხო სულაც არაა და არსებობს რამდენიმე ფილმის, მაგალითად, მულანის, მეფე ლომისა და ალადინის გაგრძელებები. თუმცა მაყურებელს კიდევ სხვა უამრავი პერსონაჟის მომავალი ისტორიების ნახვაც აინტერესებს.

წარმოგიდგენთ დისნეის იმ ფილმებს, რომლებიც, ჩვენი აზრით, სიქველს იმსახურებენ.

1. პრინცესა და ბაყაყი

რა მოხდა ქორწილის შემდეგ? რა ბედი ეწიათ ტიანას და პრინც ნავინს? ციხესიმაგრეში ან სასახლეში ცხოვრობენ? გახსნა თუ არა ტიანამ რესტორანი? როგორ განვითარდებოდა მათი მეგობარი ცხოველების ისტორია? შარლოტა თუ დაქორწინდებოდა თავის პრინცზე?

2. ძმა დათვი (მესამე ისტორია)

ძმა დათვის მეორე ნაწილი უკვე არსებობს, თუმცა მიგვაჩნია, რომ ისტორია გაგრძელებას იმსახურებს. საინტერესო იქნებოდა ძმების ისტორიის ნახვა, როცა ნანი დიდი დათვი გახდებოდა. კენი და კოდა კვლავ იმეგობრებდნენ? რა ახალი თავგადასავლები გადახდებოდათ მათ ერთად?

3. ზოოტოპია

გახდებოდა ნიკი ნამდვილი პოლიციელი? გააგრძელებდნენ ის და ჯუდი მეგობრობას და ახალი საქმეების გამოძიებას? გაეხვეოდა ცნობისმოყვარე ჯუდი რაიმე შარში?

4. მოანა

როგორ გაგრძელდა მოანას ისტორია? მაუი კვლავ დარჩებოდა მის ცხოვრებაში? კვლავ მეგობრობენ? როგორი იქნებოდა მოანას და მისი თანამემამულეების ახალი თავგადასავლები? სხვა თუ არაფერი, კიდევ გვინდა მსგავსი სილამაზის ფილმი.

5. თავდაყირა

ყველა გიჟდება რაილისა და მისი ემოციების ერთობლივ თავგადასავალზე. ალბათ საინტერესო იქნებოდა რაილის, როგორც მაღალკლასელის ემოციების ქარიშხალის, მისი ახალი მიზნები და ამოცანების ხილვა. იქნებ რაილის შვილებისთვის გაეზიარებინა თავისი გამოცდილება, თუ როგორ უნდა გაუმკლავდე ემოციებს?

6. მონსტრების კორპორაცია

კითხვა ბევრია, პასუხები კი უამრავ ადამიანს აინტერესებს. ამრიგად, დისნეის მართლაც ზღვა მასალა აქვს ახალი ფილმების შესაქმნელად. პრეისტორიებისა და მომდევნო ისტორიების ბოლოდროინდელი პოპულარობის გათვალისწინებით კი, ამ ფილმების მოლოდინი არარეალური სულაც არაა.