ნათელი გონების მარადიული ბრწყინვალება 21-ე საუკუნის ერთ-ერთი საუკეთესო ფილმია, თუმცა, შესაძლოა, ის სულ სხვანაირი ყოფილიყო. საქმე იმაშია, რომ რეჟისორმა მიშელ გონდრიმ მონტაჟის დროს სიუჟეტიდან მთლიანად გააქრო ელენ პომპეოს პერსონაჟი.
გრეის ანატომიის ვარსკვლავი ფილმში ჯიმ კერის ყოფილ შეყვარებულს, ნაომის განასახიერებდა. დაკვირვებულ მაყურებელს მისი სახელი ემახსოვრება, თუმცა ჩვენ ის თვალით არასოდეს გვინახავს.
როგორც Film Radar-ის ვიდეოში ჩანს ამ პერსონაჟის არსებობა ფილმის შინაარსს მნიშვნელოვნად შეცვლიდა და მორიდებულ ჯოელს მოღალატე, ეგოისტ კაცად წარმოაჩენდა.
ეს ყოველივე კიდევ ერთხელ ამტკიცებს ალფრედ ჰიჩკოკის მოსაზრებას იმის თაობაზე, რომ მონტაჟს კინემატოგრაფიაში უდიდესი ძალა აქვს და მას თავისუფლად შეუძლია ნებისმიერი კონტექსტი შეცვალოს.
