ფრენკ ჰერბერტის საკულტო რომანი “დიუნი” მხატვრულ ფილმად ისტორიაში ჯერ-ჯერობით მხოლოდ ერთხელ აქციეს. წიგნის გამოქვეყნებიდან თითქმის 20 წლის შემდეგ, 1984 წელს დევიდ ლინჩი შეეცადა გადმოეცა ჰერბეტის სამყარო, თუმცა ფილმი ლინჩმა კარიერაში ყველაზე სამარცხვინოდ დაასახელა და დღემდე მასზე საუბრისგან თავს იკავებს.
მას შემდეგ, რამდენიმე მინისერიალს თუ არ ჩავთვლით, რომანისთვის ხელი არავის უხლია. ამასობაში ჰორიზონტზე დენი ვილნევი გამოჩნდა – უკვე დამტკიცებულია შთამბეჭდავი სამსახიობო შემადგენლობა, ვიცით კომპოზიტორი (ჰანს ციმერი) და პრემიერის თარიღი (2020 წლის 20 ნოემბერი) – საინტერესო მხოლოდ ესაა, რამდენად შეძლებს ვილნევი რომანის რთული სტრუქტურის გადმოცემას კინოში? სანამ პასუხს გავიგებდეთ, რამდენიმე მნიშვნელოვან მიზეზს მოვუყაროთ თავი და დავრწმუნდეთ, რომ ფილმი მხოლოდ წარმატებასთან იქნება წილნაყარი.
“ვარსკვლავური ომები” შეხვდნენ “სამეფო კარის თამაშებს”
“დიუნის” სიუჟეტმა თავის დროზე დიდი გავლენა მოახდინა არაერთ ავტორზე, მათ შორის ვარსკვლავური ომების და სამეფო კარის თამაშების შემქმნელებზე. გავლენა განსაკუთრებით სოციო-პოლიტიკურ ელემენტებში გამოიხატა. სამეცნიერო ფანტასტიკის ჟანრის წიგნში დიდი ადგილი ეთმობა კომპიუტრერებსა და რობოტებს.
ლეგენდარულმა მწერალმა არტურ კლარკმა ერთხელ წიგნი ასე დაახასიათა: “‘დიუნის’ თანასწორი მხოლოდ ‘ბეჭდების მბრძანებელია’“. თავად რეჟისორი, დენი ვილნევი ფილმს ასე ახასიათებს: “‘ვარსკვლავური ომები’ მოზარდებისთვის“.
დენი ვილნევი
თუ არ იცით ვინ არის რეჟისორი, ერთი ორი სიტყვა მასზეც აუცილებლად უნდა ითქვას. ბოლო წლებში ის ჰოლივუდის ერთ-ერთ ყველაზე მნიშვნელოვან რეჟისორად ჩამოყალიბდა. ჩამოსვლა და დანის პირზე მორბენალი 2049 საი-ფაის ჟანრში შედევრებად დასახელდნენ. სწორედ ამიტომ, “დიუნისთვის” ის იდეალური კანდიდატია. თუკი Rotten Tomatoes-ს დავეყრდნობით, მას ჯერ ცუდი ფილმი არ გადაუღია – ეს საკმაოდ იმედისმომცემი პერსპექტივაა.
სამსახიობო შემადგენლობა
“დიუნის” სამსახიობო შემადგენლობა იმდენად შთამბეჭდავია, რომ მოდით, უბრალოდ ჩამოვწერთ მათ სახელებს და თავად დარწმუნდით: ტიმოთი შალამე, რებეკა ფერგიუსონი, ოსკარ აიზეკი, ჯოშ ბროლინი, სტელან სკარშგორდი, დეივ ბაუტისტა, ზენდაია, დევიდ დესტმალჩინი, სტივენ ჰენდერსონი, შარლოტ რემპლინგი, ჯეისონ მომოა, ხავიერ ბარდემი და ჩენ ჩენი.
ესეც ინფოგრაფიკი, თუ ვინ რომელ პერსონაჟს შეასხამს ხორცს:
მასშტაბურობა
ჰერბერტის წიგნში ბევრი მისტიური, ფანტასტიკური თუ გარემოსდაცვითი თემაა, ეს კი ბევრი უცნაური და დიდი ასების კარგი საბადოა. ეჭვი არ შეგეპაროთ ვილნევის ფილმი ამ არსებებსაც დაუთმობს ყურადღებას, ეს კი “დიუნის” მასშტაბურობას ერთი ორად გაზრდის.
წარმოიდგინეთ, რამხელა გალაქტიკაზეა საუბარი. ამგვარი მითიური არსებების ხილვა დიდ ეკრანზე ნამდვილად შთამბეჭდავი იქნება.
მემკვიდრეობა, რომელიც ღირს რიმეიქად
კინომოყვარულები ნამდვილად ვიმსახურებთ “დიუნის” რიმეიქს, თუნდაც წიგნში წამოჭრილი აქტუალური თემების გამო და თუნდაც დასახელებული კინემატოგრაფიული ბექგრაუნდის გამო. ლინჩის წარუმატებელი ფილმი ღირსეული კანდიდატით უნდა ჩავანაცლოთ. რიმეიქებს დახარბებულ ჰოლივუდში, იდეა საკმაოდ საჭოჭმანოა, თუმცა ვილნევის სახელი, დავრწმუნდით, რომ იმედისმომცემია.
superherohype.com
