მოგეხსნებათ, რომ კრისტოფერ ნოლანის ტრილოგიის დასრულების შემდეგ, კრისტიან ბეილი გოთემის შავი რაინდის როლზე ბენ აფლეკმა ჩაანაცვლა. მან ბეტმენის როლი DC-ის რამდენიმე პროექტში, „Batman vs Superman”, „Suicide Squad”-სა და „Justice League”-ში განასახიერა. ახლა კი გოთემის გმირის შესახებ ახალ სურათს ცნობილი რეჟისორი მეტ რივზი იღებს და ბრიუს უეინის როლში ახალგაზრდა „Twilight“-ის ვარსკვლავი რობერტ პატინსონი მოიწვია.
სინემანია, საკუთარ მკითხველის ხანგრძლივი პერიოდის განმავლობაში წარმოებაში მყოფი ფილმის შესახებ მუდმივად აწვდიდა ახალ-ახალ ინფორმაიას, მათ შორის ფოტოსურათებს, როგორც ბეტმენის კოსტიუმის, ისე მისი მოტოციკლეტისა და რა თქმა უნდა ავტომობილის შესახებ. 22 აგვისტოს სამყარომ პირველად იხილა რობერტ პატინსონის მიერ განსახიერებული ბეტმენის სრული თრეილერი და ამასთან ერთად ფილმის გამოსვლის წელიც გახდა ცნობილი – 2021.
აქვე, შეგახსენებთ, რომ მსოფლიოში მიმდინარე მოვლენების გათვალისწინებით მეტ რივზის ბეტმენის გადაღებები არაერთხელნ შეჩერდა. ახლა კი გვინდა სამწუხარო ამბავი შეგატყობინოთ და გითხრათ, რომ „The Batman“-ის გადაღებები კვლავ შეჩერდა და მიმდინარე ეტაპზე უცნობია როდემდე გაგრძელდება იძულებიუთი შესვენება. ამასთან ერთად გეტყვით, რომ თრეილერის გამოსვლის პერიოდისათვის ფილმის დაახლოებით 25% იყო გადაღებული
გუშინ ჩვენს სტატიაში გაცნობეთ, რომ დუეინ „Rock“ ჯონსონსა და მის ოჯახა (მეუღლეს და ორ ქალიშვილს) ქორონა ვირუსი დაუდგინდათ და ამ სამწუხარო ინფორმაციასთან ერთად შეგახსენეთ იმ ცნობადი სახეების მცირე ჩამონათვალი, რომლებიც ამავე ვირუსით დასნეულდენენ. ახლა კვლავ დავუბრუნდეთ „The Batman“-ის გადაღებების შეჩერების საკითხს და ზოგიერთ თქვენთაგანს შესაძლოა უკვე გაეფიქრა კიდევაც, რომ რომელიღაც მსახიობს ჯანმრთელობის კუთხით უსიამოვნებები აქვს. სამწუხაროდ, თქვენ არ ცდებით. დღეს Warner.Bros-მა განაცხადა, რომ რობერტ პატინსონს გაიკეთა „Covid-19“-ის ტესტი, რა დროსაც „Twilight“-ის ვარსკვლავს დადებითი პასუხი მოუვიდა. მიუხედავად იმისა, რომ გადამღები ჯგუფი იმედოვნებს, რომ რობერტი საკმაოდ მალე გამოჯანრმთელდება სათუო რჩება ფილმის გადაღებების უმოკლეს ვადებში განახლება, რადგან ალბათობა იმისა, რომ სტაფის შიგნითაც ხდებოდეს ვირუსის გავრცლების საკმაოდ მაღალია.
The Batman (უყურე თრეილერს adjaranet.com-ზე)
შეგახსენებთ, რომ თავად მეტ რივზმა საკუთარ განცხადებებში აღნიშნა, რომ მისი ფილმი მაქსიმალურად ორიენტირებული იქნება თავად ბეტმენზე და დიდ აქცენტს გააკეთებს მის დეტექტიურ (გამომძიებლის) უნარაჩვევებზე. ფილმში ასევე ვიხილავთ, ზოი კრავიცს, როგორც Catwoman-ს, პაულო დანოს, როგორც Riddler-ს, კოლინ ფარელს, როგორც Penguin-ს და ჯო ტურტუროს, როგორც Carmine Falcone-ს. ასევე არ დაგავიწყდეთ, რომ ალფრედის როლს თავად ენდი სერკისი განასახიერებს, ჯიმ გორდოს ჯეფრი რაიტი, ხოლო პიტერ სკასგარდი ჯილ კოლსონს.
