დღეს კაპიტან ამერიკას როლის შემსრულებელს 38 წელი შეუსრულდა. თამამად შეიძლება ითქვას, რომ ქრის ევანსი დღესდღეობით ჰოლივუდის ერთ-ერთი ყველაზე საყვარელი მსახიობია, რომელმაც მაყურებლების გული ძალიან მარტივად დაიპყრო.
პრინციპში, ეს არც გვიკვირს, რადგან გარეგნული მონაცემებიცა და შინაგანი თვისებებიც მას განსაკუთრებით მომხიბვლელს ხდის. მაშ ასე, ერთად ჩამოვთვალოთ ის 7 მიზეზი, რის გამოც ქრის ევანსი განსაკუთრებით გვიზიდავს:
1. გრძელი, ხშირი წამწამები
ამ გრძელ, ხშირ წამწამებს, შეუძლიათ, მის სახეს იდუმალი ჩრდილი მოჰფინონ და ნებისმიერს აფიქრებინონ, თუ როგორ არის შესაძლებელი ეს ყოველივე რეალური იყოს… დიახ, ქრის ევანსის წამწამები ნამდვილი ხუთსანტიმეტრიანი სრულყოფილებაა!
2. სამსახიობო მონაცემები
შესაძლოა, კაპიტანი ამერიკა მისი ყველაზე ცნობილი პერსონაჟი იყოს, თუმცა ერთგულ თაყვანისმცემლებს ის არაერთ როლში გვინახავს და მშვენივრად მოგვეხსენება, თუ რა კარგად შეუძლია გარდასახვა.
რაც შეეხება სტივ როჯერსს (კაპიტანი ამერიკა) – ქრისს ეს სუპერგმირი სრულიად ჰყავს გათავისებული, შესანიშნავად ესმის მისი მორალი და ხვდება თუ, რატომ და რისთვის იბრძვის ის.
3. გულწრფელობა
ის ძალიან გულწრფელად საუბრობს საკუთარ შიშებსა და შფოთვებზე და გვიზიარებს იმ გზას, რომელსაც მათ დასამარცხებლად გადის. ცნობილი ადამიანები ბოლომდე იშვიათად იხსნებიან და ამჯობინებენ, რომ საკუთარი ემოციების გასაჯაროებისაგან თავი შეიკავონ, თუმცა ქრისს შესანიშნავად ესმის, თუ რა მნიშვნელოვანია მისი გულახდილობა იმ მილიონობით ადამიანისათვის, ვისაც იგივე პრობლემები აწუხებს.
4. სიცილი
როდესაც ქრისი იცინის, შეუძლებელია, მისი განწყობა არ გადმოგედოთ… მისი სახე, თვალები, სხეული – მთლიანად არის ჩართული ამ პროცესში. განსაკუთრებით კი, ის მომენტი გვიყვარს, როდესაც ხელი მკერდთან მიაქვს და, საბედნიეროდ ამას ძალიან ხშირად, ყოველი გულიანი სიცილის დროს აკეთებს.
5. დამოკიდებულება ოჯახის მიმართ
საკმარისია, მოვუსმინოთ ქრისს, თუ როგორ საუბრობს საკუთარ ოჯახზე, მივხვდებით, თუ რამხელა სიყვარული და პატივისცემა აკავშირებს მათთან… რა თქმა უნდა, აღარაფერს ვამბობთ წითელ ხალიჩებზე გამუდმებით ოჯახთან ერთად გამოჩენის შესახებ.
სხვათა შორის, ქრისი სწორედ ის ბიჭია, რომელმაც პირველი სექსუალური აქტის შემდეგ, პირველ რიგში, ეს ყველაფერი არც მეტი, არც ნაკლები – დედას მოუყვა.
6. გაშლილი მხარ-ბეჭი
თუ ოდესმე დაინტერესებულხართ, რატომ ეძახიან ქრისს “დორიტოსს”, ეს ფოტო პასუხს ნამდვილად გაგცემთ! მისი მხრებისა და წელის თანაფარდობა ნამდვილად აღფრთოვანებას იმსახურებს. საერთოდ, მოდით, გულახდილად ვაღიაროთ, რომ მისი სხეული თავიდან ბოლომდე უნაკლოა!
7. კეთილი გული
ქრისი ხშირად ეწევა ქველმოქმედებას და საკუთარი ფონდიც კი აქვს, რომელსაც არა მხოლოდ საკუთარ ფულს, არამედ საკუთარ დროსაც ახარჯავს. დიახ, ის არა მხოლოდ ძალიან სიმპათიურია, არამედ უზომოდ კეთილიც. ჰოდა, რა გვიშლის ხელს, რომ ქრის ევანსს სუპერგმირი რეალურ ცხოვრებაშიც ვუწოდოთ?
