ჯიმ ქერიმ გაამხილა, რომ 1995 წელს, როცა ის და ოსკაროსანი ტომი ლი ჯონსი ერთად მუშაობდნენ ფილმზე “ბეტმენი სამუდამოდ”, ეს უკანასკნელი ჯიმ ქერისთან მუშაობას ვერ იტანდა და ამას არც მალავდა. ჯონსი და ქერი ფილმის ორ მთავარ ვილანს — ორსახას და რიდლერს თამაშობენ.
ჯიმ ქერის აზრით, ტომი ლი ჯონსს ბრაზს გვრიდა ის ფაქტი, რომ ჯიმი იყო კინოს მთავარი ვარსკვლავი და არა ის. “ფილმში ცენტრალური ადგილი მე მერგო და ეს იყო პრობლემა, — განაცხადა ქერიმ ერთ-ერთ პოდკასტში, — ის ფენომენალური მსახიობია, მე ის მაინც მომწონს”.
მან ისიც აღიარა, რომ ერთხელ რესტორანში შეტაკების შემდეგ ჯონსი განსაკუთრებით ბრაზობდა მასზე.
“დავინახე, რომ ტომი კუთხეში იჯდა და სადილობდა. მივედი და ვუთხარი: “ჰეი, ტომი, როგორ ხარ?”. სახეზე სისხლი მოაწვა და აცახცახებული წამოდგა — წარმოდგენაში ალბათ უკვე მოკლული ვყავდი… შემდეგ მომიახლოვდა, გადამეხვია და მითხრა: “ვერ გიტან. მართლა არ მომწონხარ”. მე მივუგე, “მერე, რა პრობლემაა” და სკამი ავიღე, რაც იმ სიტუაციაში ჭკვიანური საქციელი არ იყო. “შენს მასხრობებს აღტაცებით ვერ შევხვდები”, თქვა მან”.
წამყვანმა ივარაუდა, რომ ჯონსის განრისხება შეიძლება გამოწვეული იყო მისი თავდაჯერებულობით, რადგან ვარსკვლავი ნებისმიერ ადგილზე გამოჩენისას ყურადღების ცენტრში ყოფნას იყო ჩვეული, რაზეც ჯიმ ქერიმ უპასუხა: “ალბათ თავადაც უხერხულად გრძნობდა თავს საკუთარი ქცევის გამო… ეს ნამდვილად არაა მისი სტილი”.
