თუ ოდესმე რომელიმე ისეთ კომიკ-კონზე ყოფილხართ, რომელსაც მეტ-ნაკლები რანგის ვარსკვლავი ესწრებოდა, ალბათ გეცოდინებათ, რომ ზოგიერთის ავტოგრაფი და ფოტოს გადაღება ფული ღირს. შეიძლება ეს უხერხულადაც კი გეჩვენოთ, რადგან სელებრითები თავიანთ საქმიანობაში ისედაც მაღალ ანაზღაურებას იღებენ და წესით დამატებითი ფული, თანაც ფანებისგან ამოღებული, არ უნდა სჭირდებოდეთ, მაგრამ თუ ზოგიერთი მსახიობი ფანებთან სურათების გადაღებითა და საუბრით თავს არ იწუხებს, ზოგიერთი პირიქით, ჭკუას იჩენს და ამ საქმეს გარკვეული თანხის სანაცვლოდ თანხმდება. ნამდვილად ჭკვიანურია, რადგან ხომ იცით, პოპულარობა სამუდამო არ არის – რატომაც არ უნდა დააგროვო თანხა სურათების გადაღებისა და ავტოგრაფების გაცემის სანაცვლოდ?
და მაინც, რა ღირს სელებრითისგან ავტოგრაფის მიღება ან მის გვერდით ფოტოს გადაღება? ფასი მსახიობის რანგზე, სტატუსზე და პოპულარობაზეა დამოკიდებული, თუმცა დროთა განმავლობაში იცვლება. ჩვენს სტატიაში სწორედ ასეთ ვარსკვლავებს წარმოგიდგენთ. იმის ცოდნა, თუ რამდენს იღებს ვარსკვლავი ფანებთან ამ სახის ურთიერთობაში, ვფიქრობთ, კინომოყვარულებს ძალიან გამოადგებათ, მით უმეტეს, მათ, ვინც უახლოეს მომავალში კომიკ-კონზე წასვლას აპირებს.
მარკ ჰამილი
ავტოგრაფი და ფოტო: 195$
2016 წლის კანადის Fan Expo-ზე ვარსკვლავური ომების ვარსკვლავმა გვარიანი შემოსავალი მიიღო. არ ვიცით, სულ რამდენი ავტოგრაფი დაარიგა ჰამილმა, მაგრამ ამ ფასის გათვალისწინებით, იახტის ყიდვაც კი არ გაუჭირდებოდა.
ნორმან რიდუსი
ავტოგრაფი: 100$
რიდუსი ავტოგრაფებით საკმაო შემოსავალს იღებს. როგორც ამბობენ, თითო კომიკ-კონზე დასწრებით მისი შემოსავალი 200,000 დოლარს აღწევს.
სილვესტერ სტალონე
ავტოგრაფი: 395$
ფოტო: 445$
2013 წელს ნიუ-იორკის კომიკ-კონზე სილვესტერ სტალონეს ახლოდან ნახვის, ავტოგრაფისა და ფოტოს გადაღების ბედნიერება დაახლოებით 1000 დოლარი ღირდა. დარწმუნებულები იყავით, ამ ფასს ბევრ ფანი იხდის.
ენდრიუ ლინკოლნი
ფოტო: 70$
მოსიარულე მკვდრების ვარსკვლავიც საკმაო თანხას აგროვებს ავტოგრაფების გაცემაში, მაგრამ მის სასახელოდ უნდა ითქვას, რომ კომიკ-კონებზე მიღებულ შემოსავალს ქველმოქმედებას ახმარს.
კრის ჰემსუორთი
ფოტო: 150$
სხვა დანარჩენი: 200$
კარგი: რას ნიშნავს “სხვა დანარჩენი“? ჩახუტებას? კოცნას? იმას, რომ მხარზე ხელი მოგხვიოს? მმმ… დიდებულად ჟღერს.
სტენ ლი
ფოტო: მინიმუმ 400$
აწგანსვენებული ლეგენდის, მარველის კომიქსების სულისჩამდგმელის, სტენ ლისთან ფოტოს გადაღება ფანებს სწორედ ამდენი უჯდებოდათ. 2013 წლის ნიუ-იორკის კომიკ-კონზე მათ სწორედ ამდენი გადაიხადეს ლეგენდასთან გასაუბრებასა და მასთან ფოტოს გადაღებაში. დარწმუნებულები ვართ, დღეს ამ თანხას კიდევ უფრო მეტი ჩვენგანი გაიღებდა…
ჯონ კიუსაკი
ფოტო: 70$
როუზ სიტის კომიკ-კონზე, რომელიც პორტლენდში იმართება, ჯონ კიუსაკმა ფოტოში ას დოლარამდე მოითხოვა. საკმაოდ ძვირია იმის გათვალისწინებით, რომ მანამდე ბევრმა ისიც კი არ იცოდა, კიუსაკი კომიკ-კონებზე თუ დადიოდა.
ევანჯელინა ლილი
ავტოგრაფი: 70$
ენთმენისა და დაკარგულების ვარსკვლავმა ნიუ-იორკის 2016 წლის კომიკ-კონზე ავტოგრაფში სწორედ 70 დოლარი მოითხოვა.
პატრიკ სტიუარტი
ავტოგრაფი: 75$
კაპიტანი პიკარდისა და პროფესორი ხავიერის როლის შემსრულებლისგან ავტოგრაფისთვის მეტიც იყო მოსალოდნელი. ამბობენ, მსახიობთან ავტოგრაფისთვის მისულ ფანებს კეპები უნდა ჰხურებოდათ, რათა სტიუარტს ისინი ეცნო.
მილი ბობი ბრაუნი
ფოტო: 50$
უცნაური ამბების ახალგაზრდა ვარსკვლავთან ფოტო ფანებს არც ისე ძვირი უჯდებათ. 2016 წლის სოლტ ლეიკ სიტის კომიკ-კონზე მსახიობმა, თუ გავითვალისწინებთ მის მზარდ პოპულარობას, მაინც საკმაო თანხის შეგროვება შეძლო.
